Rutahizamu Jules Ulimwengu wakiniye Sunrise FC mu gice cya mbere cya shampiyona y’uyu mwaka,yamaze guhabwa icyangombwa (license) kimwemerera gukinira ikipe ya Rayon Sports nubwo byavugwaga ko bitazakunda kubera ubwumvikane buke bwavutse hagati ya Sunrise FC yamugurishije na Les Jeunes Athletiques Fc.

Sponsored Ad

Ikipe ya Les Jeunes Athletiques FC yo mu Burundi iherutse kwandikira FERWAFA iyisaba ko Jules Ulimwengu abuzwa gukinira Rayon Sports kubera ko Sunrise FC itarazana amafaranga bayihaye ngo bagabane baringanize nkuko babyemeranyijeho ubwo yamubatizaga mu ntangiriro z’uyu mwaka w’imikino.

Jules Ulimwengu umaze gutsinda ibitego 9 muri shampiyona y’u Rwanda,yamaze kubona icyangombwa ndetse Rayon Sports yemerewe kumukoresha ku mukino wo kuri uyu wa kabiri izakina na Etincelles Fc I Nyamirambo.

Jules Ulimwengu wagaragaye mu mukino wa gicuti Rayon Sports yatsinze AS Muhanga kuwa 15 Gashyantare 2019 ibitego 2-0,yatsinzemo igitego ku munota wa 22,bimufasha gutangira kwigarurira imitima y’abafana ba Rayon Sports.

Jules Ulimwengu uzajya yambara nimero 7 yari isanzwe yambarwa na Bimenyimana Bonfils Caleb,azakina nk’umunyarwanda kuko yari asanzwe afite indangamuntu.

Jules Ulimwengu yamaze kwemererwa gukinira Rayon Sports