Juventus yifuza kwisubiza Paul Pogba igiye kurekura abakinnyi bakomeye kugira ngo imugure
Yanditswe: Sunday 29, Jul 2018
Ikipe ya Juventus iherutse kugura kabuhariwe Cristiano Ronaldo ku kayabo ka miliyoni 85 z’amapawundi,yarahiriye kwisubiza Paul Pogba yarekuye akerekeza mu ikipe ya Manchester United aho ishaka kurekura abakinnyi yagenderagaho barimo Miralem Pjanic, Gonzalo Higuain na Daniele Rugani.
Kubera ko Manchester United itifuza kurekura uyu Mufaransa,Juventus irashaka kuyiha akayabo ka miliyoni 140 z’amapawundi cyane ko umubano we na Mourinho utabaye mwiza mu mwaka w’imikino ushize.
Pjanic na Huguan bagiye kurekurwa na Juventus
Manchester United irifuza kugura abakinnyi bakomeye ndetse ibinyamakuru by’I Burayi byavuze ko Juventus itanze amafaranga afatika baganira ikegukana Pogba witwaye neza mu gikombe cy’isi giheruka kubera mu Burusiya.
Umubano wa Mourinho na Pogba ni kimwe mu byibanzweho muri shampiyona yashize aho yamwicaze kandi yaramuguze akayabo ka miliyoni 89 z’amapawundi amusimbuza umwana muto Scott McTominay wari ukizamuka.
Umutoza Allegri wa Juventus arifuza ko Pogba akorana na Ronaldo bakamufasha kwegukana UEFA Champions League akarekura Miralem Pjanic wifuzwa na Manchester City ku kayabo ka miliyoni 90,Rugani na Huguain barashakwa na Chelsea ku kayabo ka miliyoni 95 z’amapawundi byatuma amafaranga yo kugura uyu mufaransa aboneka.
Daniele Rugani arifuzwa na Chelsea
Paul Pogba yibereye mu biruhuko muri USA mu mujyi wa Los Angeles nyuma yo gufasha Ubufaransa kwegukana igikombe cy’isi.
Leave a Reply
Your email address will not be published. Required fields are marked *