Kigali

Kabuhariwe Zinedine Zidane yongeye kugaruka gutoza ikipe ya Real Madrid

Imikino   Yanditswe na: Dusingizimana Remy 11 March 2019 Yasuwe: 4427

Umutoza Zinedine Zidane yamaze kugaruka mu ikipe ya Real Madrid yavuyemo muri Kamena umwaka ushize,ayihesheje igikombe cya 3 cya UEFA Champions League cyikurikiranya.

Nyuma y’umusaruro mubi wa Santiago Solari,ikipe ya Real Madrid yahisemo gutandukana nawe igarura Zidane bivugwa ko yayivuyemo bitewe no kutumvikana na perezida w’iyi kipe Florentino Perez wanze kumuha amafranga ngo agure abakinnyi yifuza.

Mu ijoro ryo kuri uyu wa mbere nibwo Santiago Solari arahabwa ibaruwa imwirukana ku kazi hanyuma Zidane yongere ashyikirizwe intebe y’icyubahiro yahoranye.

Ubuyobozi bwa Real Madrid bwafashe uyu mwanzuro nyuma yo gusezererwa mu mikino ya 1/16 cya UEFA Champions League na Ajax Amsterdam iyitsinze ibitego 4-1 mu mukino wo kwishyura wabereye Santiago Bernabeu.

Umutoza Zinedine Zidane yahawe amasezerano y’imyaka 3 azamugeza taliki ya 30 Kamena 2022,akubiyemo guhabwa ububasha bwose ku ikipe burimo kugura no kugurisha abakinnyi n’ibindi bitandukanye.

Zidane yatwaye ibikombe bigera ku icyenda mu myaka ibiri n’igice yayimazemo,harimo UEFA Champions League 3 zikurikiranya na La Liga imwe.

Ikinyamakuru laSexta cyatangaje ko Zidane w’imyaka 46 azakoresha imyitozo ku munsi w’ejo yo kwitegura umukino wa shampiyona Real Madrid ifitanye na Celta Vigo kuwa Gatandatu.


Zinedine Zidane yagarutse muri Real Madrid

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

N’Golo Kante yatumye benshi bacika ururondogoro kubera amafoto yashyize...

Umukinnyi N’golo Kante ukinira Chelsea,usanzwe uzwiho kudakunda...
25 April 2019 Yasuwe: 1202 0

Virgil Van Dijk yatowe nk’umukinnyi w’umwaka mu Bwongereza,Paul Pogba atuma...

Abakinnyi bose babigize umwuga mu gihugu cy’Ubwongereza,bemeje ko myugariro...
25 April 2019 Yasuwe: 1496 0

Manchester City yatsinze Manchester United yiyongerera amahirwe yo...

Pep Guardiola yaraye akoze agahigo ko kuba umutoza wa mbere utsindiye...
25 April 2019 Yasuwe: 570 0

Rusizi: Abagore bakoze igisa n’imyigaragambyo kubera guterwa mpaga...

Abagore bo mu karere ka Rusizi mu murenge wa Rwimbogo bakoreye igisa...
24 April 2019 Yasuwe: 1590 0

Paul Pogba yameneye ibanga rikomeye bagenzi be bakinana mu ikipe ya...

Umukinnyi ukomeye muri Manchester United, Paul Pogba yamaze gutangariza...
24 April 2019 Yasuwe: 4108 0

AS Kigali yirukanye Masudi Djuma wari umutoza wayo mukuru

Ikipe ya AS Kigali yatangaje ko yatandukanye n’umutoza wayo mukuru,Masudi...
23 April 2019 Yasuwe: 2184 1