Kigali

Kanyankore yirukanwe muri Bugesera FC

Imikino   Yanditswe na: Dusingizimana Remmy 4 September 2017 Yasuwe: 449

Umutoza Kanyankore Gilbert uzwi nka Yaounde yamaze kwirukanwa n’ikipe ya Bugesera FC mu gihe iyi kipe yiteguraga gutangira imyitozo kuri uyu wa mbere.

Uyu mutoza wari wahawe akazi ko gutoza ikipe ya Bugesera mu mpera za Shampiona ishize, ndetse akaza no kongererwa amasezerano, ntiyashoboye gukomezanya nayo cyane ko ngo imyitwarire ye mibi itihanganiwe n’abakoresha be.

Mu kiganiro Gahigi Jean Claude , Perezida wa Bugesera FC yagiranye na Rwandamagazine.com dukesha iyi nkuru, yemeje ko bamaze gusezerera Kanyankore nyuma yo kubona yo gushishoza bagasanga atazabageza ku ntego bihaye.

Yagize ati " Nibyo koko twamaze gusezerera umutoza Kanyankore. Sinavuga ko twamwirukanye ahubwo twasheshe amasezerano twari dufitanye na we. Twabikoze dushingiye ko twabonye tutazabasha kugera ku ntego twiyemeje bituma dusesa amasezerano twari dufitanye."

Gusezererwa k’uyu mugabo kwatewe n’imyitwarire mibi yagaragaje kuva yagera muri iyi kipe ndetse nkuko uyu Gahigi yabitangarije Rwandamagazine.com ni uko umwuka mubi yateje mu mwaka w’imikino ushize wari ukirangwa muri iyi kipe.

Uyu mutoza yageze muri Bugesera nyuma y’aho muri umutoza Mashami Vincent wari umutoza mukuru agiriye mu ikipe y’igihugu Amavubi kuba umutoza wungirije byatumye uyu Kanyankore ahabwa akazi ko kurangiza umwaka w’imikino ndetse urangiye yahawe amasezerano mashya none birangiye asheshwe.

Biravugwa ko umutoza Nshimiyimana Maurice bakunda kwita Maso wahoze yungirije muri Rayon Sports ariwe uraza kuba afashe iyi kipe.

Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports igiye gukina imikino 3 mu minsi 10 gusa

Amakuru agera ku Umuryango n’uko Ishyirahamwe ry’umupira w’amaguru mu Rwanda...
12 December 2017 Yasuwe: 302 0

Guardiola yatangaje impamvu ishobora gutuma ahita asezera ku gutoza umupira...

Umutoza w’ikipe ya Manchester City Pep Guardiola yatangarije abanyamakuru ko...
12 December 2017 Yasuwe: 179 0

Mohamed Salah yegukanye igihembo cy’umunyafurika witwaye neza gitangwa na...

Umunya Misiri ukinira ikipe ya Liverpool FC Mohamed Salah niwe waraye utowe...
12 December 2017 Yasuwe: 56 0

Van Gaal wahoze atoza Manchester United yibasiriye bikomeye Jose...

Uwahoze atoza ikipe ya Manchester United Louis Van Gaal yibasiriye umutoza...
12 December 2017 Yasuwe: 359 0

Karekezi yavuze byinshi ku bijyanye n’ifungwa rye ndetse n’uko yakiriye...

Umutoza mukuru w’ikipe ya Rayon Sports umaze icyumweru arekuwe...
12 December 2017 Yasuwe: 906 0

Rurangirwa washakaga kuyobora FERWAFA yababajwe n’akarengane...

Umwe mu bifuzaga kwiyamamariza kuyobora FERWAFA,Rurangirwa Louis wari...
12 December 2017 Yasuwe: 339 0