Kigali

Karekezi Olivier ntakiri umutoza wa Rayon Sports

Imikino   Yanditswe na: Iyamuremye Janvier 22 July 2017 Yasuwe: 4349

Ku wa Kane tariki ya 20 Nyakanga 2017 nibwo byemeje ko Karekezi Olivier ari we mutoza mushya wa Rayon Sports, kuri ubu uyu mwanya yari yahawe wasubijwe ku isoko ndetse na bamwe bari bamwungurije bavanwaho.

Byavugwaga ko Karekezi ariwe uzitoranyiriza abamwungiriza.Uyu mwanya w’ubutoza yari yahawe wasubijwe ku isoko nyuma yo gusanga akazi kari katanzwe mu buryo bunyuranyije n’amategeko.

Inama yahuje Ubuyobozi bw’Umuryango Rayon Sports n’ubwikipe yawo Rayon Sports FC yanzuye kandi itegeka ko umwanya w’umutoza w’iyo kipe ushyirwa ku isoko ugapiganirwa, nyuma y’aho abari bawuhaye Karekezi Olivier bemereye ko hakozwe amakosa mu gutanga ako kazi.

Karekezi Olivier n’abari batangajwe ko bazamwungiriza ari bo, Ndikumana Hamad Katauti na Nkunzingoma Ramadhan bahawe akazi n’ubuyobozi bwa Rayon Sports FC.
Ibi byakozwe hashingiwe ku igika cya 10 cy’ingingo ya 28 mu mategeko shingiro (Statut) y’Umuryango Rayon Sports. Muri iyi ngigo bagaragaraza ko Komite nyobozi ari yo ifite inshingano zo gushaka, gushyiraho no gusezerera abakozi bo mu nzego zinyuranye z’umuryango.

Hagendewe kuri iyo ngigo ya 28, Karekezi Olivier n’abo bamwungirije bari bahawe akazi kandi batangazwa mu buryo bunyuranyije n’uko amategeko shingiro ya Rayon Sports, ari na yo mpamvu inama yateranye ku wa 21 Nyakanga yanzuye ko iyo myanya y’akazi ishyirwa ku isoko igapiganirwa.

Mu itangazo rigenewe abanyamakuru ryasinyweho na Ngarambe Charles[Umuyobozi w’Umuryango Rayon Sports] ryashyizwe hanze kuri uyu wa Gatandatu tariki ya 22 Nyakanga 2017, ,rivuga ko icyo cyemezo cyafashwe mu buryo bwo kubaka Rayon Sports binyuze mu mucyo.

Hari amakuru avuga ko bamwe mu buyobozi bw’Umuryango Rayon Sports bashakaga ko Masudi Djuma wahoze atoza Rayon Sports akanayihesha igikombe cya Shampiyona agaruka mu mirimo ye. Ngo ubuyobozi bw’iyi kipe burangajwe imbere na Gacinya Chance Denys bwo buvuga ko butiyumvisha ukuntu umuntu wasezeye yagaruka gutoza Rayon Sports.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble RUKIRAMAKUBA.

    MUBYIGEHO NEZA DUKENEYE EQUIPE ITSINDA.

    July 2017
  • chat_bubble kagabo

    Nibyo koko ubu ntabwo Karekezi ari umutoza wa rayon sport fc byemewe namategeko, ariko turacyamushaka. Mbese nubundi ntiyariwe kuko atigeze yemezwa numuryango wa rayon sport, but uyu muryango ukeneye kumushyira mumwanya kuburyo bwubahirije amategeko. Kandi rwose we karekezi na team ye barashoboye, niyo mpanvu bagomba kujyaho kumugaragaro hagendewe kumategeko, kurusha uko yashyirwaho biciye mugikari

    July 2017

Inzindi nkuru

Tchabalala yiseguye ku bafana ba LLB yababaje imitima

Rutahizamu w’ikipe ya Rayon Sports Shabani Hussein uzwi nka Tchabalala...
22 February 2018 Yasuwe: 1141 0

Rayon Sports yakomereje imyitozo yo kwitegura APR FC I Bujumbura

Ikipe ya Rayon Sports yakomereje imyitozo yo kwitegura umukino wa...
22 February 2018 Yasuwe: 1244 0

Umukunzi wa Lingard yashyize hanze ifoto yateje urunturuntu

Umukunzi wa Jesse Lingard ukinira Manchester United witwa Jena Frumes...
22 February 2018 Yasuwe: 802 0

Team Manager wa Bugesera FC yakubise urushyi umukinnyi wa Unity bakinaga mu...

Ushinzwe imibereho ya buri munsi y’ikipe ya Bugesera FC Rudasumbwa Eric,...
22 February 2018 Yasuwe: 602 0

Haruna niyonzima yagiye mu Buhinde kwivuza imvune amaranye iminsi

Umukinnyi Haruna Niyonzima ukinira ikipe ya Simba SC yo muri Tanzania...
22 February 2018 Yasuwe: 182 0

Rayon Sports isezereye ikipe ya LLB muri CAF Champions League

Ikipe ya Rayon Sports ikoze ibyo benshi mu bafana bayo bari bayitezeho,kuko...
21 February 2018 Yasuwe: 3025 0