Kigali

Karekezi Olivier yagizwe umutoza mukuru wa Rayon Sports

Imikino   Yanditswe na: Iyamuremye Janvier 20 July 2017 Yasuwe: 1019

Perezida w’Ikipe ya Rayon Sports, Gacinya Denis, yemeje ko Olivier Karekezi ari umutoza mukuru w’iyi kipe ugiye kuyitoza mu gihe cy’imyaka ibiri.Karekezi waconze ruhago igihe kinini asimbuye Irambona Masoudi Djuma weguye nyuma yo kuyihesha igikombe cya shampiyona cy’uyu mwaka.

Karekezi Olivier yabaye igihe kinini umukinnyi w’ Ikipe y’Igihugu Amavubi ndetse na APR FC, amakipe yombi yanabereye kapiteni. Mu kiganiro na Radio 10 cyabaye kuri uyu wa Kane tariki ya 20 Nyakanga 2017, Gacinya Chance Denis yemeje ko bidasubirwaho, Karekezi Olivier ariwe ugiye gutoza iyi kipe mu gihe cy’imyaka ibiri iri imbere.

Karekezi yatoranyijwe mu bandi batoza barimo Cassa Mbungo André watozaga Sunrise FC wananyuze muri Police FC na AS Kigali; Ndayizeye Jimmy utoza Espoir FC hakaba hari n’amahitamo yo kugarura Masoudi Djuma wageragejwe akanga burundu.

Karekezi Olivier yari umutoza ku mugabane w’i Burayi mu gihugu cya Sweden aho yatozaga amakipe y’abato. Karekezi azagera mu Rwanda kuri uyu wa gatandatu (Tariki ya 22 Nyakanga) yerekwe abakinnyi be ku wa mbere tariki ya 24 Nyakanga, atangire imyitozo ku wa kabiri tariki ya 25 Nyakanga.

Karekezi yabaye rutahizamu ngenderwaho mu Rwanda aho yubatse amateka akomeye nk’umukinnyi mu Mavubi no muri APR FC yakiniye kuva (1998 – 2004). Yanakiniye amakipe arimo Helsinborg (2005-2007) Hamarkameratene (2007-09), Östers IF (2010-2011), agaruka muri APR FC (2011-12), Club athlétique Bizertin (2012-13), Trelleborgs FF (2014) asoreza muri Råå Idrottsförening.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble nyandwi jean Claude

    Mu mureke ayitoze , tumurinyuma

    July 2017

Inzindi nkuru

Cristiano Ronaldo yatangaje impamvu atogoshe ubwanwa ku mukino wa...

Kabuhariwe Cristiano Ronaldo wagaragaye afite ubwanwa ku mukino wa Morocco...
21 June 2018 Yasuwe: 854 0

Umukobwa ukunzwe cyane kurusha abandi mu gikombe cy’isi byavumbuwe ko akina...

Natalya Nemchinova wari umaze kwigarurira imitima y’abantu bari gukurikirana...
21 June 2018 Yasuwe: 1650 0

FIFA yaba iri kugambanira amakipe yo muri Afurika ari mu gikombe cy’Isi...

Nkuko mubizi mu gikombe cy’isi 2018 harimo gukoreshwa imisifurire...
21 June 2018 Yasuwe: 1692 0

Cristiano Ronaldo yaguriye umukunzi we impeta y’akataboneka [AMAFOTO]

Kabuhariwe Cristiano Ronaldo uri mu bihe byiza mu gikombe cy’isi kiri kubera...
21 June 2018 Yasuwe: 1886 0

Kiyovu Sports yandikiye FERWAFA isaba gukuraho mpaga bashinja Rayon Sports...

Mu kiganiro ubuyobozi bwa Kiyovu Sports bwagiranye n’abanyamakuru cyabereye...
20 June 2018 Yasuwe: 1512 0

Cristiano Ronaldo asezereye Maroc mu gikombe cy’isi

Ikipe ya Portugal itumye Maroc iba ikipe ya kabiri ihagarariye Afurika...
20 June 2018 Yasuwe: 2449 0