Kigali

Karekezi yabeshyuje ibyo gusezera muri Rayon Sports anatangaza umutoza yifuza ko asimbura Katauti

Imikino   Yanditswe na: Nsanzimana Ernest 19 December 2017 Yasuwe: 1531

Umutoza mukuru w’ikipe ya Rayon Sports Karekezi Olivier yamaganye amakuru yavugaga ko yifuza gusezera muri Rayon Sports aboneraho kwemeza ko umutoza Lomami Marcel wari umutoza ushinzwe kongerera ingufu abakinnyi yasimbura Katauti akaba umutoza wungirije by’agateganyo mbere yo kuzafata umwanzuro nyuma ya CHAN.

Mu kiganiro yagiranye na Radio Rwanda Karekezi Olivier yabeshyuje amakuru yiriwe mu bitangazamakuru ku munsi w’ejo ko yifuza kwegura mu ikipe ya Rayon Sports kubera ukuntu ubuyobozi bwa Rayon Sports bwitwaye nabi ubwo yari yatawe muri yombi n’ubugenzacyaha aho bwahise bumuhagarika by’agateganyo.

Yagize ati “Sinzi aho ibyobintu byavuye kuko nta kibazo mfitanye n’ubuyobozi bwa Rayon Sports. Nanjye nabyumvise ku munsi w’ejo ubwo nari mu myitozo ko hari Radio yatanze ayo makuru gusa nta kibazo gihari mfite amasezerano y’imyaka 2kandi ubuyobozi bwanjye tubanye neza".

Karekezi yavuze ko ibyo kumwandikira ibaruwa imuhagarika by’agateganyo byabaye ndetse ikibazo cyarangiye abanye neza n’ubuyobozi bwa Rayon Sports
Karekezi Olivier yatangaje ko ibaruwa yabyutse icaracara ku mbuga nkoranyambaga ko yifuza ko Lomami Marcel yamubera umutoza wungirije ari we wayanditse gusa avuga ko ari iby’agateganyo kuko azatangaza umutoza wungirije nyuma y’imikino ya CHAN.

Yagize ati “Twaricaye turaganira n’ubuyobozi mbabwira ko ntaragira igitekerezo cyo gushaka umutoza usimbura Ndikumana Hamad ,ko nzamutangaza nyuma y’imikino 4 twari tugiye gukina gusa iyi baruwa niyo twarayanditse dusaba ko Lomami Marcel yagirwa umutoza wungirije by’agateganyo ndetse turamutse dukomeje kwitwara neza Lomami yakomeza kuko nta kitwirukansa tugiye kureba muri iyi mikino iri imbere hari na CHAN nyuma y’aho nibwo tuzatangaza umutoza wungirije."

Karekezi yatangaje ko yasabye ubuyobozi bwa Rayon Sports gukora ibishoboka byose kugira ngo abakinnyi 2 b’Abarundi Kwizera Pierrot na Nahimana Shassir bazagaragare ku mukino w’ejo ndetse ko bamwemereye kubikora.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble theophile

    umutoza turamushyigikiye

    5 months ago

Inzindi nkuru

Minnaert yahishuye icyo bagiye gukora kugira ngo Rayon Sports itware...

Umutoza w’ikipe ya Rayon Sports Ivan Minnaert yatangaje ko we n’abakinnyi...
27 May 2018 0

Sergio Ramos yabwiye amagambo akomeye abagereranya Mohamed Salah na...

Kapiteni w’ikipe ya Real Madrid Sergio Ramos yabwiye abantu bamaze iminsi...
26 May 2018 Yasuwe: 3139 0

Ronaldinho yanyomoje ibyo kurongora abakobwa babiri

Kabuhariwe Ronaldinho yatunguye isi yose ubwo yanyomozaga amakuru yo...
26 May 2018 Yasuwe: 1518 0

Byinshi ukwiriye kumenya kuri Livepool na Real Madrid zirakina uyu...

Umunsi wari utegerejwe na benshi wageze aho amakipe yahize ayandi mu...
26 May 2018 Yasuwe: 853 0

AS Kigali inyagiye Bugesera biyifasha gusatira APR FC

Ikipe ya AS Kigali igaragaje ko igifite gahunda yo guhanganira igikombe cya...
25 May 2018 Yasuwe: 1555 0

Reba amafoto ya bamwe mu bagore n’abakunzi b’abakinnyi ba Real Madrid na...

Ku munsi w’ejo nibwo kuri stade ya NSC Olimpiyskiy Stadium iherereye mu mugi...
25 May 2018 Yasuwe: 4730 1