Umutoza w’ikipe ya Rayon Sports yatangaje ko atari kureka ngo Bizimungu Ally wa Bugesera FC akubite Nahimana Shassir kandi ari umukinnyi we byatumye amusanga aho yari ahagaze ibyari umupira bihinduka umurwano w’abatoza n’abakinnyi. Karekezi yatangaje ko yababajwe n’amagambo umutoza Ally Bizimungu yamubwiye mu ntangiriro ko yazanye abasifuzi bo kumwibira ndetse akarengaho akajya gukubita umukinnyi Shassir ariyo mpamvu yashoje intambara kuri Bizimungu wari wamaze kumutsinda igitego kimwe. (...)

Sponsored Ad

Umutoza w’ikipe ya Rayon Sports yatangaje ko atari kureka ngo Bizimungu Ally wa Bugesera FC akubite Nahimana Shassir kandi ari umukinnyi we byatumye amusanga aho yari ahagaze ibyari umupira bihinduka umurwano w’abatoza n’abakinnyi.

Karekezi yatangaje ko yababajwe n’amagambo umutoza Ally Bizimungu yamubwiye mu ntangiriro ko yazanye abasifuzi bo kumwibira ndetse akarengaho akajya gukubita umukinnyi Shassir ariyo mpamvu yashoje intambara kuri Bizimungu wari wamaze kumutsinda igitego kimwe.

Yagize ati “Shassir yakuruye umukinnyi bari mu kibuga hanyuma umutoza ahita ajya gufata Shassir mu ijosi ntabwo nagombaga kwihangana kuko yari umukinnyi wanjye niyo mpamvu nazamuwe.Ally yavuze yuko abasifuzi bari kutwibira ndamubwira nti reka umusifuzi akore akazi ke kuko amakosa yahawe Bugesera ntabwo twigeze tuvuga ko babibiye ariko niba uri umutoza nka Ally umaze igihe kinini muri shampiyona ukavuga ko umusifuzi ari kwibira ikipe niyo mpamvu namusubije.”

Karekezi yinubiye bikomeye ikibuga cya Bugesera ndetse atangaza ko bibabaje kuba hakiri ibibuga bimeze kuriya aho yanenze FERWAFA ayisaba ko n’andi makipe bareka akazahakinira kuko bitoroshye kuhakura amanota.

Yagize ati “FERWAFA yasohoye kalendali ivuga ko Bugesera izajya ikinira ku Kicukiro ariko mu minsi mike bavuze ko byahindutse izajya ikinira iwayo ni umupira gusa icyaba ikibazo ni uko bashobora kuvuga ngo barahinduye basubiye I Kigali kandi twe twarakiniye hano,niba amakipe yose azakinira hano ndumva nta kibazo kirimo.Ni ibintu bibabaje kuko niba uri umuyobozi wa FERWAFA muri 2017 tukaba tugikinira ku kibuga kimeze gutya n’ibintu biteye isoni, bagakwiye kwigaya.”

Rayon Sports iri ku mwanya wa 7 n’amanota 4 yatsinzwe na Bugesera FC igitego 1-0 cya Dusenge Bertin aho ku mukino ukurikiraho izakira ikipe ya Kirehe FC kuri stade ya Kigali I Nyamirambo aho izaba idafite umutoza Karekezi werekejwe mu bafana ku mukino wa Bugesera FC.