Kigali

Karekezi yavuze byinshi ku bijyanye n’ifungwa rye ndetse n’uko yakiriye guhagarikwa n’ubuyobozi bwa Rayon Sports

Imikino   Yanditswe na: 12 December 2017 Yasuwe: 1097

Umutoza mukuru w’ikipe ya Rayon Sports umaze icyumweru arekuwe n’ubugenzacyaha bwamukekagaho icyaha cyakoreshejwe Ikoranabuhanga n’itumanaho,yakoresheje imyitozo ku munsi w’ejo aho yavuze ko uwitwa Thierry ariwe wakoze amanyanga yatumye akekwaho ibyaha ndetse avuga ko yicaranye n’ubuyobozi bwa Rayon Sports bakaganira ku mpamvu zatumye bavuga ko bamuhagaritse.

Uyu mutoza wakoresheje imyitozo y’ingufu ku nshuro ya mbere nyuma yo kurekurwa,yatangarije abanyamakuru ko umuntu atazi witwa Thierry yakoze amanyanga akoresha imbuga nkoranyambaga ze mu buryo butemewe,byatumye CID imuta muri yombi gusa ashimira ubugenzacyaha bw’igihugu uko bwitwaye muri iki kibazo.

Yagize ati “Uwabikoze yafashe telephone yanjye ashaka ifoto yanjye ya Whatsapp akandika akisubiza kuko bansomeraga ubwo butumwa nkumva burimo Ikirundi nkababwira ko ntavuga ikirundi ariko uwabikoze baramukurikiranye niyo mpamvu byatinze kuko no muri CID barambwiraga bati turi kubikurikirana kugira ngo tumenye uwakoze bino bintu ariko uko iminsi yahitaga niko ibintu byagendaga bijya mu buryo kandi uwabikoze aracyakurikiranwa.

Karekezi yavuze ko uyu muntu wakoze amahano akoresheje imboga nkoranyambaga ze mu buryo butemewe atamuzi ndetse mu mezi agera kuri 5 agiye kumara mu Rwanda batigeze bahura ndetse ko ubwo yabazwaga n’ubugenzacyaha yavuze ko yahuye na Karekezi ari muri Benz y’umweru kandi ntayo afite ndetse avuga ko yahuriye na Karekezi I Kabuga muri Bar imwe bamujyanye ngo yerekane aho bicaye abwira ubugenzacyaha ko aho bari bicaye nta muntu wigeze abaha icyo kunywa.

Karekezi yavuze ko kuba ubuyobozi bwa Rayon Sports bwaratangaje ko bumuhagaritse nyuma y’iminsi 2 atawe muri yombi bwanyuranyije n’amasezerano bagiranye kuko avuga ko agomba guhagarikwa nyuma y’iminsi 5 atari ku kazi ariko avuga ko bicaye bakaganira kandi byakemutse.

Yagize ati “Ibaruwa yo kumpagarika nanjye nayibonye kuriya kuko mu masezerano yanjye siko bivuga kubera ko ubuyobozi bwa Rayon Sports twabaye nk’abavandimwe,ababikoze bakoze amakosa kuko mu masezerano twagiranye avuga ko mpagarikwa ari uko maze iminsi 5 ariko bo ntibayitegereje bahise bampagarika.Aho abagabo bari baraganira gusa iby’amasezerano sibyo byari bimpamgayikishije cyane,nifuzaga kubona umuryango wanjye.”

Rayon Sports izagaruka mu kibuga taliki ya 19 Ukuboza 2017 ubwo izaba yerekeje kuri stade Umuganda guhangana n’ikipe ya Etincelles FC.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nshuti Savio yahakanye ibivugwa ko agiye kwerekeza mu ikipe ya APR...

Umukinnyi Savio Nshuti yahakanye amakuru amwerekeza mu ikipe ya APR FC aho...
17 January 2018 Yasuwe: 709 0

Rayon Sports iraha umwanya abakinnyi bashya bari mu igeragezwa mu mukino...

Uyu munsi nibwo ikipe ya Rayon Sports irakina umukino wa gicuti n’ikipe ya...
17 January 2018 Yasuwe: 221 0

Ronaldinho yasezeye ku mupira w’amaguru-VIDEWO

Umwami w’amacenga Ronaldinho Gaucho yamaze gusezera ku mupira w’amaguru nyuma...
17 January 2018 Yasuwe: 200 0

Masudi yatangiye guhangana n’abafana ba Simba SC

Umutoza Masudi Djuma yatangiye guhangana n’abafana b’ikipe ya Simba SC bamaze...
16 January 2018 Yasuwe: 418 0

Migi yatangaje ikibura mu ikipe ya APR FC agomba kugarura

Umukinnyi Mugiraneza Jean Baptiste uzwi nka Migi yatangaje ko APR FC ifite...
16 January 2018 Yasuwe: 189 0

Karekezi yamaze impungege abafana batewe ubwoba n’umubare w’abanyamahanga...

Umutoza w’ikipe ya Rayon Sports yabwiye abafana ko badakwiye guterwa ubwoba...
16 January 2018 Yasuwe: 1438 0