Kigali

Kiyovu Sports yandagaje AS Kigali iyibutsa ko yayitanze mu mujyi wa Kigali

Imikino   Yanditswe na: Dusingizimana Remy 22 May 2018 Yasuwe: 2453

Kiyovu Sports itunguye abakunzi b’umupira w’amaguru mu Rwanda kuko ikoze ibyo batakekaga inyagira AS Kigali ibitego 4-1 mu mukino w’umunsi wa 24 wa shampiyona y’u Rwanda,Moustapha Francis yigaragajemo cyane kuko yatsinze ibitego 3.

Nubwo AS Kigali yari izi ko nitsinda Kiyovu irisubiza umwanya wa mbere wafashwe na APR FC ku munsi w’ejo,isuzuguwe bikomeye na Kiyovu Sports yari ku mbehe yayo ku Mumena itsindwa ibitego 4-1,Casa Mbungo n’abasore be batambuka I Nyamirambo bakomerwa amashyi.

Kiyovu Sports yisubije icyubahiro imbere ya AS Kigali ishinja kuyitwara Stade ya Kigali

Kiyovu Sports yaruhije bigaragara AS Kigali ndetse igice cya mbere ikirangiza iri hejuru n’ibitego 2-0, byose byatsinzwe na Moustapha Francis ku munota wa 33 n’uwa nyuma w’igice cya mbere.

AS Kigali yaruhutse ifitiye umwenda sekuru wayo Kiyovu Sports,yagarutse mu gice cya kabiri nta mpinduka byatumye yinjizwa igitego cya 3 ku munota wa 49 gitsinzwe na kapiteni Kakule Mugheni Fabrice wari umaze iminsi mu mvune.

AS Kigali yahise yishyura igitego kimwe ku munota wa 51 kuri penaliti yatewe neza na Ndarusanze Jean Claude, nyuma y’aho Djuma akoreye ikosa kuri Ndahinduka Michel mu rubuga rw’amahina.

Kiyovu Sports ntiyacitse intege kuko yakomeje gusatira AS Kigali yakoraga amakosa menshi mu bwugarizi bwari burimo Niyonzima Ally n’umuvandimwe we Ngandu Omar,iyitsinda igitego cya kane ku munota wa 65 gitsinzwe na Moustapha Francis,ahita atahana umupira kuko yatsinze ibitego 3 muri uyu mukino.

Benshi banenze imyitwarire ya AS Kigali nk’ikipe ivuga ko ishaka igikombe,bavuga ko itagakwiye kwitwara gutya kandi iziko mukeba wayo APR FC yaraye afashe umwanya wa mbere nyuma yo kunyagira Amagaju FC ibitego 6-0.

APR FC igumye ku mwanya wa mbere n’amanota 47,ikurikiwe na AS Kigali n’amanota 45,Kiyovu Sports n’iya 3 n’amanota 41 mu gihe Rayon Sports iri mu ntambara y’amadolari zitangiye kuyisiga kuko iri ku mwanya wa 4 n’amanota 38.

Abakinnyi babanje mu kibuga ku mpande zombi:

Kiyovu SC: Ndoli Jean Claude, Ngarambe Ibrahim, Uwihoreye Jean Paul, Mbogo Ali, Ngirimana Alexis, Kalisa Rachid, Mugheni Fabrice, Moustapha Francis, Nizeyimana Djuma, Habyarimana Innocent na Nizeyimana Jean Claude.

AS Kigali: Bate Shamiru (GK, 30), Kayumba Soter (15, C), Mutijima Janvier 3, Ally Niyonzima 8, Ngandou Omar 2, Nsabimana Eric Zidane 20, Murengezi Rodrigue 7, Ngama Emmanuel 19, Mbaraga Jimmy 16, Fuad Ndayisenga 10 na Ndarusanze Jean Claude 11.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Migi yatangaje ikintu gikomeye akundira umufasha we Gisa Fausta bagiye...

Umukinnyi Mugiraneza Jean Baptiste yatangaje ko mu myaka igera hafi kuri 4...
19 November 2018 Yasuwe: 310 0

Manchester United yashoye akayabo mu gushaka umunyezamu usimbura David de...

Ikipe ya Manchester United yatangiye kurambagiza umunyezamu wo gusimbura...
19 November 2018 Yasuwe: 354 0

Umutoza ushobora gusimbura Robertinho muri Rayon Sports yamenyekanye

Umunya Brazil Roberto Oliveira Goncalves do Carmo uzwi nka Robertinho...
19 November 2018 Yasuwe: 1693 0

Abafana ba Senegal bavugirije induru umukinnyi wabo Sadio Mane asohoka mu...

Rutahizamu Sadio Mane ukinira Senegal na Liverpool yahuye n’uruva gusenya...
19 November 2018 Yasuwe: 1512 0

Umunyamakuru Rugangura Axel agiye gukora igikorwa cy’indashyikirwa cyananiye...

Umunyamukuru uzwi cyane mu kogeza umupira kuri Radio Rwanda Axel Rugangura...
19 November 2018 Yasuwe: 2471 0

Uburwayi butumye Dr Ljubomir Petrovic asezera igitaraganya ku kazi ko...

Uwari umutoza wa APR FC,Ljubomir "Ljupko" Petrović, yamaze kwandika...
18 November 2018 Yasuwe: 2331 0