Kigali

Kiyovu Sports yatoye umuyobozi mushya wahize kugarura Kiyovu mu makipe ahatana

Imikino   Yanditswe na: Dusingizimana Remmy 25 September 2017 Yasuwe: 714

Ku munsi w’ejo nibwo ikipe ya Kiyovu Sports yakoze inama y’inteko rusange yagombaga gusiga abakunzi bayo bitoreye umuyobozi mushya aho byarangiye Kayumba Jean Pierre wigeze kuyiyobora yegukanye intsinzi.

Uyu mugabo wayoboye Kiyovu akegura ubugira kabiri kubera ibibazo bikunze kurangwa muri iyi kipe yambara icyatsi n’umweru niwe wongeye kugirirwa icyizere ndetse ahiga gufasha Kiyovu kugaruka mu makipe akomeye ndetse anahatana cyane ko umwaka ushize iyi kipe yari yamanutse mu cyiciro cya kabiri gusa ibasha kugaruka kubera Isonga yari yazamutse yikuye mu cyiciro cya mbere.

Yagize ati “Ikintu cya mbere tugiye gukora ni uguhuza abakunzi ba Kiyovu Sports aho bari hose mu gihugu no hanze kugira ngo twongere kuba inyuma y’ikipe yacu.Turifuza kwitwara neza mu mwaka utaha wa shampiyona, intego yacu ni ukuza mu makipe ya mbere ndetse tukanitwara neza mu gikombe cy’Amahoro”.

Nubwo abakunzi ba Kiyovu Sports bitabiriye iyi nama y’inteko rusange bari bake,bemeje ko hashyirwaho abashinzwe gukusanya inkunga buri kwezi aho nibura buri mufana wa Kiyovu yatanga kuva ku gihumbi kugeza ku bihumbi 100, mu rwego rwo kureba uko hajya haboneka amafaranga atunga iyi kipe izajya ikenera agera kuri miliyoni umunani n’igice buri kwezi(8 500 000Frw).

Mu rwego rwo gufasha abakunzi ba Kiyovu Sports gutnga inkunga,hashyizweho uburyo bwo gushing ama Fan Clubs aho buri imwe isabwa gutanga asaga ibihumbi 150 ku kwezi ndetse magingo aya Fan Clubs 3 zimaze kuvuka zirimo iyitwa Born Again,Kiyovu Sports Brigade,n’izindi.

Akarere ka Nyarugenge gatera ikipe ya Kiyovu Sports inkunga ya miliyoni eshanu z’amafaranga y’u Rwanda mu gihe andi agomba kuva mu bakunzi bayo.

Iyi kipe imaze iminsi ikina imikino ya gicuti aho mu cyumweru gishize yatsinze Mukura VS igitego 1-0 mukura mu mukino ubanza mu gihe uwo kwishyura wabaye ku munsi w’ejo banganyije 1-1.

Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


  • chat_bubble Habihirwe j.m.v

    Birimo biraza,!!!!!!

    .

    2 months ago

Inzindi nkuru

Rayon Sports igiye gukina imikino 3 mu minsi 10 gusa

Amakuru agera ku Umuryango n’uko Ishyirahamwe ry’umupira w’amaguru mu Rwanda...
12 December 2017 Yasuwe: 309 0

Guardiola yatangaje impamvu ishobora gutuma ahita asezera ku gutoza umupira...

Umutoza w’ikipe ya Manchester City Pep Guardiola yatangarije abanyamakuru ko...
12 December 2017 Yasuwe: 183 0

Mohamed Salah yegukanye igihembo cy’umunyafurika witwaye neza gitangwa na...

Umunya Misiri ukinira ikipe ya Liverpool FC Mohamed Salah niwe waraye utowe...
12 December 2017 Yasuwe: 57 0

Van Gaal wahoze atoza Manchester United yibasiriye bikomeye Jose...

Uwahoze atoza ikipe ya Manchester United Louis Van Gaal yibasiriye umutoza...
12 December 2017 Yasuwe: 365 0

Karekezi yavuze byinshi ku bijyanye n’ifungwa rye ndetse n’uko yakiriye...

Umutoza mukuru w’ikipe ya Rayon Sports umaze icyumweru arekuwe...
12 December 2017 Yasuwe: 921 0

Rurangirwa washakaga kuyobora FERWAFA yababajwe n’akarengane...

Umwe mu bifuzaga kwiyamamariza kuyobora FERWAFA,Rurangirwa Louis wari...
12 December 2017 Yasuwe: 354 0