Kigali

Kiyovu Sports yigaranzuye APR FC yari imaze imyaka 12 iyitsinda

Imikino   Yanditswe na: 27 October 2017 Yasuwe: 1617

Kiyovu Sports itsinze ikipe ya APPR FC igitego 1-0 kuri uyu wa gatanu cyatsinzwe na Mustapha Francis,nyuma y’imyaka 12 itabasha kuyitsinda ndetse imikino 16 iheruka yose APR FC yabashije kubona amanota 3 kuri iyi kipe izwi nk’urucaca

Ikipe ya Kiyovu Sports ikuyeho agahigo ko kuba yari imaze imyaka 12 idatsinda APR FC aho ibashije kuyitsinda kuri uyu wa Gatanu taliki ya 27 Ukwakira 2017 igitego 1-0 cyatsinzwe na Mustapha Francis ku munota wa 33 w’umukino.

Mbere y’uyu mukino,benshi mu bakunzi b’umupira w’amaguru mu Rwanda bari bategereje kureba niba ikipe ya Kiyovu Sports iraza kwigaranzura ikipe ya APR FC yari imaze imikino 16 yikurikiranya iyitsinda ndetse n’imyaka 12 itabasha gutsinda iyi kipe y’ingabo z’igihugu dore ko yaherukaga kuyitsinda ku i taliki ya 30 Ukwakira 2005.

Abakinnyi babanje mu kibuga ku ruhande rwa Kiyovu Sports

Nubwo ikipe ya APR FC yari yabonye myugariro Ombolenga Fitina wari utarakina umukino n’umwe wa shampiyona kubera ikibazo cy’ibyangombwa,ntacyo yabashije kubafasha kuko ikipe yahozemo ibashije kumutsinda.

Abakinnyi babanje mu kibuga ku ruhande rwa APR FC

Mu byishimo byinshi umunyamabanga w’ikipe ya Kiyovu Sports Habimana Rachid atangarije Radio Rwanda ko iyi ari intangiriro ko ikipe ya Kiyovu Sports y’uyu mwaka ifite gahunda kandi yiteguye gushimisha abakunzi bayo.

Yagize ati “Ndababwiza ukuri ko Kiyovu yacu yavutse bushyashya .Ubu dufite abakinnyi bashya,abafana bashya n’ubuyobozi bushya,murindire uyu mwaka muzabona ibyiza gusa.”

Uyu munyamabanga yahakanye amakuru avugwa ko Kiyovu ikanira match zikomeye gusa izoroshye ikazitakaza aho yavuze ko nyuma y’iyi ntsinzi babonye batazongera gusubira inyuma.

Ubu Kiyovu sports igize amanota 6 mu mikino 4 aho yatsinze Musanze,itsindwa na Rayon Sports ndetse na Miroplast,ikazahura na Gicumbi FC mu mukino ukurikira.

Umukino w’uyu munsi wakerereweho iminota mike kubera ikibazo cya ambulance gusa waje gutangira ndetse ikipe ya Kiyovu igenda isatira APR FC byayifashije kubona igitego ku munota wa 33 gitsinzwe na Mustapha Francis ku ikosa ry’umuzamu kimenyi Yves wafashe umupira akawurekura.

Ibitecyerezo

  • Log in

    Amategeko n'amabwiriza birkurikizwa


  • chat_bubble

    copyright ntiyemewe

    October 2017

Inzindi nkuru

Jose Mourinho yahaye Liverpool ubutumwa bwashimishije abakunzi ba...

Umutoza wa Manchester United,Jose Mourinho yabwiye Liverpool ko atazigera...
14 December 2018 Yasuwe: 3194 0

FC Barcelona yahaye igihano gitangaje Ousmane Dembele usigaye asiba...

Ubuyobozi bwa FC Barcelona bwahaye rutahizamu Ousmane Dembele igihano cyo...
14 December 2018 Yasuwe: 3547 0

Masudi Djuma yavuze impamvu ikomeye yatumye yanga kugaruka muri Rayon...

Umutoza wa AS Kigali yavuze ko ikipe ya Rayon Sports yamuvugishije nyuma yo...
14 December 2018 Yasuwe: 2866 0

Bashunga Abouba yasabye ubufasha bukomeye ubuyobozi bwa Rayon Sports nyuma...

Umunyezamu wa Rayon Sports,Bashunga Abouba watewe n’abagizi ba nabi mu ijoro...
14 December 2018 Yasuwe: 3263 2

Manchester United yarahiriye kongera gutwara umukinnyi ukomeye wa...

Ikipe ya Manchester United ikunze gutwara abakinnyi bakomeye...
14 December 2018 Yasuwe: 1852 0

Masudi Djuma na AS Kigali babonye amanota 3 ku nshuro ya mbere

Ikipe ya AS Kigali n’umutoza wayo bariruhukije kuko babonye amanota 3 ya...
13 December 2018 Yasuwe: 1338 0