Kiyovu Sports ikomeje gutera ubwoba abakeba,yisubije umwanya wa mbere kuri iki cyumweru nyuma yo gutsinda Bugesera FC ibitego 2-0 mu mukino wabereye kuri Stade Mumena.
Ibitego bya Mugheni Fabrice na Moustapha Francis nibyo bifashije ikipe ya Kiyovu Sports gutsinda Bugesera FC ibasha kwisubiza umwanya wa mbere nyuma y’aho ku munsi w’ejo wari witijwe na AS Kigali.
Gukomeza gutsinda kwa Kiyovu Sports bikomeje gushimangira ubudahangarwa bwa Casa Mbungo uyitoza ndetse n’umukinnyi we agenderaho (...)

Sponsored Ad

Kiyovu Sports ikomeje gutera ubwoba abakeba,yisubije umwanya wa mbere kuri iki cyumweru nyuma yo gutsinda Bugesera FC ibitego 2-0 mu mukino wabereye kuri Stade Mumena.


Ibitego bya Mugheni Fabrice na Moustapha Francis nibyo bifashije ikipe ya Kiyovu Sports gutsinda Bugesera FC ibasha kwisubiza umwanya wa mbere nyuma y’aho ku munsi w’ejo wari witijwe na AS Kigali.

Gukomeza gutsinda kwa Kiyovu Sports bikomeje gushimangira ubudahangarwa bwa Casa Mbungo uyitoza ndetse n’umukinnyi we agenderaho Kakule Mugheni Fabrice ukomeje kwigaragaza neza muri shampiyona nyuma yo kuva mu ikipe ya Rayon Sports.

Kiyovu Sports yakoze ibyo yasabwaga n’abafana bayo bamaze kugaruka ku bwinshi aho bari batewe impungenge no gutakaza umwanya wa mbere wari wfashwe na AS Kigali yanyagiye Kirehe FC ibitego 3-1 ku munsi w’ejo.

Mugheni Fabrice akomeje gufasha Kiyovu

Kiyovu Sports ihise yongera kuyobora urutonde rw’agateganyo rwa shampiyona y’u Rwanda AZAM Rwanda Premier League n’amanota 23 aho irusha AS Kigali iyikurikiye amanota 2 mu gihe Rayon Sports na APR FC zitakinnye muri iyi weekend kubera ko ziri gutegura imikino nyafurika.

Uko imikino yakinwe uyu munsi yagenze:
Sunrise Fc 1-0 Mukura VS
SC Kiyovu 2-0 Bugesera Fc
Etincelles 6-0 Miroplast Fc