Kigali

KNC yihanangirijwe na FERWAFA nyuma y’amagambo akomeye yatangaje mu binyamakuru

Imikino   Yanditswe na: Dusingizimana Remy 30 October 2019 Yasuwe: 14501

Umuyobozi wa Gasogi United,Kakooza Nkuriza Charles,yaburiwe na FERWAFA ko ashobora kuzafatirwa ibihano nakomeza kwibasira mu binyamakuru abasifuzi ndetse n’abanyamuryango biri shyirahamwe.



Ubwo Gasogi United yari ikiri mu cyiciro cya kabiri, umuyobozi wayo Kakooza Nkuriza Charles (KNC) yagiye yumvikana yibasira amakipe babaga bagiye guhura by’akarusho akavuga ko abasifuzi babera amakipe agiye gukina na Gasogi United.

Binyuze mu ibarurwa yandikiwe na komisiyo ishinzwe imyitwarire, uyu muyobozi wa Gasogi United akaba yihangangirijwe bwa nyuma ku myitwarire ye itari myiza yo kwambura icyubahiro abasifuzi nkuko bikubiye muri raporo yatanzwe na komiseri nyuma y’umukino wabahuje na Sorwathe FC ku itariki ya 23/07/2019 yavugaga ko uyu mugabo yatesheje agaciro abayoboye uyu mukino (abasifuzi na komiseri).

KNC yarezwe kugirana ikiganiro n’ibitangazamakuru bibiri, ari byo RBA na BTN, cyari cyuzuyemo gusebya abasifuzi bayoboye uwo mukino.

KNC yagize ati “Twakinaga n’ikipe nziza, ariko yo yari ifite amahirwe menshi kuturusha kuko bo bari bafite arbitre centrale mwese mwabibonye, aho bakoreraga umukinnyi wacu ikosa, aho guhana uwabo ahubwo agatanga penaliti.”

Icyatumye KNC yihanangirizwa bwa nyuma, ni uko yatumijweho n’iyi komisiyo, ntaze kandi ntanatange ubusobanuro bw’impamvu atitabye iyo komisiyo, ikintu cyafashwe nk’agasuzuguro.

Bwa mbere, yatumijweho n’iyi komisiyo ku itariki ya 03/08/2019, aranitaba ariko komisiyo ntiyaterana kubera impamvu zitaturutse kuri bamwe bagize iyi komisiyo.

Arongera atumizwa ku itariki ya 30/08/2019, nabwo ntiyitaba, avuga ko yabonye ubutumire ariko ngo yari afite gahunza zindi z’agaciro atari kureka, birangira atitabye komisiyo gutyo.

Iyi komisiyo yongeye gutumiza KNC tariki ya 19/10/2019, nabwo ntiyitaba ndetse ntiyanatanga ibisobanuro by’impamvu atitabye.

Ku itariki ya 26/10/2019, iyi komisiyo yongeye guterana isesengura raporo yahawe na komiseri, ndetse inanasengura amashusho yahawe, isanga ibyo KNC aregwa byose ari ukuri nkuko bikubiye mu ngingo ay 55 y’amategeko ya Ferwafa agenga imyitwarire irebana no gutesha abantu icyubahiro aho ivuga ko “Umuntu wese utesha undi icyubahiro akoresheje uburyo ubwo ari bwo bwose, cyane cyane ibimenyetso, ibitutsi, cyangwa ubutumwa kuri radiyo.”

Iyi komisiyo yemeje ko:

1. Imyifatire ya Kakooza Nkuriza Charles agomba kuyiryozwa.

2. Komisiyo yihanangirije ubwa nyuma Kakooza Nkuriza Charles

KNC akomeje kugaruka cyane mu binyamakuru kubera amagambo avuga atera ubwoba ikipe bagiye gukina mu cyiciro cya mbere bigakurura abafana ku bibuga ariko na none bigatera igitutu ikipe bagiye guhura.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Myugariro Bayisenge ntabwo azakina umukino wa Mozambique [AMAKURU ARI MU...

Myugariro w’amavubi Bayisenge Emery ntabwo azakina umukino wa Mozambike kuri...
13 November 2019 Yasuwe: 747 0

Ikipe Pep Guardiola ashobora kwerekezamo mu mpeshi yateje impamka hirya no...

Umutoza wa Manchester City,Pep Guardiola, umaze kuyihesha ibikombe byinshi...
13 November 2019 Yasuwe: 1785 0

Umwe mu bakinnyi b’ikipe ya Manchester United yatangaje ko akumbuye Jose...

Umwaka ugiye gushira umutoza Jose Mourinho yirukanwe mu ikipe ya Manchester...
13 November 2019 Yasuwe: 1337 0

Real Madrid yiyemeje kugura rutahizamu wa PSG amafaranga y’umurengera...

Ikipe ya Real Madrid yiyemeje kurekura akayabo ka miliyoni 343 z’amapawundi...
13 November 2019 Yasuwe: 3109 0

Emery Bayisenge yavunikiye mu myitozo ya mbere Amavubi yakoze yitegura...

Mu myitozo ya mbere ya mbere Amavubi yakoreye I Maputo yitegura Mozambike...
13 November 2019 Yasuwe: 1188 0

Maria Sharapova ukundwa na benshi ku isi mu mukino wa Tennis ari mu...

Umurusiyakazi ukina umukino wa Tennis,Maria Sharapova,ari mu biruhuko mu...
13 November 2019 Yasuwe: 1453 0