Kigali

Lionel Messi yahigitse mukeba we Cristiano Ronaldo ku rutonde rw’abakinnyi 100 b’imikino itandukanye binjije amafaranga menshi mu mezi 12 ashize

Imikino   Yanditswe na: Martin Munezero 12 June 2019 Yasuwe: 2212

Umunya-Argentine Lionel Messi, yahigitse mukeba we Cristiano Ronaldo ku rutonde rw’abakinnyi 100 b’imikino itandukanye binjije amafaranga menshi mu mezi 12 ashize.

Ni kuri rwa rutonde rukorwa n’ikinyamakuru Forbes cyo muri Amerika.

Urw’uyu mwaka rugaragaza ko Messi yinjije angana na miliyoni 127 z’amadorali y’Amerika, mu gihe Ronaldo wa kabiri kuri uru rutonde yinjije miliyoni 109 z’amadorali.

Mu bandi bagaragara kuri uru rutonde, harimo Neymar Jr wa PSG yo mu Bufaransa. N’ubwo uyu musore atahiriwe n’ikibuga mu mwaka w’imikino ushize, ntibimubuza kuba ari we wa gatatu winjije amafaranga menshi aho yinjije miliyoni 105 z’amadorali.

Uru rutonde ntirugaragaraho Umunyamerika Floyd Mayweather wari uyoboye urw’umwaka ushize.

Ni mu gihe kandi Umunyamerikakazi Serena Williams ari we mugore ugaragara kuri uru rutonde. Uyu mwirabura ufatwa nka nimero ya mbere muri Tennis mu bari the only woman n’abategarugori, yinjije miliyoni 29 n’ibihumbi 200 by’amadorali.

Abandi badakina ruhago bagaragara kuri uru rutonde, harimo icyamamare mu mukino wo gusiganwa mu mamodoka Lewis Hamilton. Uyu mwongereza yinjije miliyoni 55 z’amadorali anganya n’Umwongereza Anthony Joshua ukina iteramakofe.

Lionel Messi ni we mukinnyi wa kabiri ushoboye kuyobora uru rutonde, nyuma ya Cristiano Ronaldo wari uyoboye urw’umwaka ushize. Messi Kandi ni umukinnyi wa munani wa ruhago ubashije kugaragara kuri uru rutonde kuva mu 1990 ubwo rwatangiraga gusohorwa.

Ni ubwa mbere Kandi abakinnyi batatu bashoboye kwiharira imyanya itatu ya mbere kuri uru rutonde.

Abakinnyi 10 ba mbere ku rutonde.

1. Lionel Messi $127m (£99.8m)

2. Cristiano Ronaldo $109m (£85.6m)

3. Neymar $105m (£82.5m)

4. Canelo Alvarez $94m (£73.8m)

5. Roger Federer $93.4m (£73.3)

6. Russell Wilson $89.5m (£70.3m)

7. Aaron Rodgers $89.3m £70.1m)

8. LeBron James $89m (£69.9m)

9. Stephen Curry $79.8m (£62.7m)

10, Kevin Durant $65.4m (£51.3m)

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble gatare

    Ni akayabo kuli MESSI.£99.8m bingana na 8 billions/milliards ku kwezi!!! Mutekereze namwe.
    Mu gihe Mwarimu wa primary ino aha ahembwa 42 000 Frw ku kwezi.Nukuvuga ko umushahara umwe wa Messi wahemba Abarimu barenze 190 476 buri kwezi.Ariko tujye twibuka ko UBUKIRE butatubuza kurwara,gusaza no gupfa.Niyo mpamvu niba dushaka Ubuzima bw’iteka muli Paradis,Yesu yadusabye “gushaka mbere na mbere ubwami bw’imana” nkuko Matayo 6:33 havuga,aho kwibera mu byisi gusa.Abantu bumvira iyo nama Yesu yasize aduhaye,azabazura ku Munsi w’Imperuka,abahe ubuzima bw’iteka nkuko yabyivugiye muli Yohana 6:40.Ntimukishinge bariya bavuga ngo iyo dupfuye tuba twitabye imana.Ntabwo bihuye n’ibyo Bible yigisha.Ikizere cyonyine cy’umuntu upfuye cyo kuzongera kubaho,nta kindi uretse umuzuko wo ku munsi w’imperuka ubikiwe abapfuye bumvira imana kandi batibera mu byisi gusa.

    2 months ago

Inzindi nkuru

Rayon Sports yasezerewe muri CAF Champions League idatsinzwe

Igitego Rayon Sports yatsindiwe I Kigali na Nazar Hamid Nassir mu mukino...
25 August 2019 Yasuwe: 3126 5

Rayon Sports yamaze gutangaza abakinnyi 11 barayifasha guhangana na Al...

Harabura amasaha make ngo Rayon Sports icakirane na Al Hilal mu mukino wo...
25 August 2019 Yasuwe: 2822 1

Sugira Ernest wakiriwe nk’umwami yavuze ikintu cyamufashije kwitwara neza...

Rutahizamu wa APR FC,Sugira Ernest wongeye kugaruka mu bihe bye byiza...
25 August 2019 Yasuwe: 3257 0

Sarpong yatangaje ba myugariro babiri akunda cyane mu Rwanda n’igitego...

Rutahizamu Sarpong Micheal ukunzwe na benshi mu bakunzi ba ruhago...
25 August 2019 Yasuwe: 3725 0

Kayiranga Baptiste yakoresheje imyitozo ya nyuma muri Sudani aca amarenga...

Umutoza w’agateganyo wa Rayon Sports Kayiranga Baptiste yaraye akoresheje...
25 August 2019 Yasuwe: 3072 0

Abafana ba Manchester United bongeye gukorera igikorwa kigayitse umukinnyi...

Hamaze iminsi inkundura yo gushaka abatutse ku ruhu Paul Pogba nyuma yo...
25 August 2019 Yasuwe: 4059 0