Kigali

Lionel Messi yatutse abasifuzi nyuma yo guhabwa ikarita y’umutuku yaherukaga 2005

Imikino   Yanditswe na: Dusingizimana Remy 7 July 2019 Yasuwe: 5335

Umukinnyi Lionel Messi wa Argentina yaraye ahawe ikarita y’umutuku ku munota wa 37 nyuma yo gushwana na myugariro wa Chile, Garry Medel bombi bagasohorwa hanze.

Ubwo Chile yahanganaga na Argentina mu mukino wo guhatanira umwanya wa 3 wa Copa America 2019,Lionel Messi yashwanye na Garry Medel ubwo yashakaga kwinjira mu rubuga rw’amahina, bombi bahita berekwa amakarita y’umutuku bombi.

Medel yakandagiwe na Messi ubwo yageragezaga kugarura umupira mu kibuga,biramurakaza niko guhita ahindukirana n’uyu kapiteni wa Argentina batangira guhangana.

Iyi ni ikarita ya kabiri y’umutuku Messi abonye nk’umukinnyi w’umupira w’amaguru kuko iya mbere yayihawe ku mukino we wa mbere yakiniye Argentina bahuye na Hungary muri 2005.

Messi yavuze ko Argentina yasifuriwe nabi mu mikino ya Copa America 2019 byatumye yanga kujya gufata umudali we w’uko batwaye umwanya wa 3 muri iri rushanwa.

Messi yabwiye abanyamakuru ati “Ntidukeneye kugirwaho ingaruka na ruswa nk’iyo twahuriye nayo muri iri rushanwa .Icy’ingenzi ni uko ikipe yarangije neza mu irushanwa.Wasanga ibi byari byapanzwe,nkagambanirwa kubera ibyo mperutse gutangaza."

Abajijwe ku mukino wa nyuma urahuza Brazil na Peru,Messi yagize ati “Reka twizere ko abasifuzi na VAR batarica umukino,barareka ikipe ya Peru igahangana gusa siniteze ko ariko bizagenda.”

Argentina yaraye itsinze Chile ibitego 2-1 mu mukino wo guhatanira umwanya wa gatatu wa Copa America 2019, byatsinzwe na Sergio Aguero na Paulo Dybala mu gihe Arturo Vidal ariwe watsinze kimwe cya Chile kuri penaliti.



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Byarangiye Bugesera FC yemeye gukina na Rayon Sports saa kumi...

Mu nama yahuje abayobozi ba FERWAFA n’abayobozi b’amakipe ya Bugesera FC na...
18 October 2019 Yasuwe: 1282 0

Rayon Sports yasinyanye amasezerano y’imikoranire na Bank of Africa igiye...

Ubuyobozi bw’ikipe ya Rayon Sports bwasinyanye amasezerano y’imikoranire na...
18 October 2019 Yasuwe: 2034 0

Mashami Vincent yaciye amarenga y’abakinnyi 11 ashobora gukoresha ahangana...

Umutoza Mashami Vincent w’ikipe y’igihugu Amavubi n’abamwungirije basoje...
18 October 2019 Yasuwe: 1673 0

Umutoza wa Ethiopia yamenye ibanga rizamufasha gutsindira Amavubi I...

Umutoza wa Ethiopia Abraham Mebratu, yavuze ko afitiye icyizere ikipe ye...
18 October 2019 Yasuwe: 1476 0

Umukino wa El Clasico wasubitswe kubera gutinya imyigaragambyo yo mu mujyi...

Umukino ukomeye wa Barcelona na Real Madrid wari uteganyijwe kuba kuwa 26...
18 October 2019 Yasuwe: 1077 0

Uruganda rukora sima Nyarwanda rugiye gutuma inzozi z’abana bamamaye nka...

Ubuyobozi bw’uruganda rukora sima Nyarwanda rwa Cimerwa, bwatangaje ko...
18 October 2019 Yasuwe: 1978 0