Kigali

Liverpool ihangamuye Manchester city yari imaze imikino 22 idatsindwa

Imikino   Yanditswe na: Dusingizimana Remy 14 January 2018 Yasuwe: 192

Ikipe ya Liverpool FC ikoze ibyanananiye andi makipe yose yo mu Bwongereza,itsinda Manchester City yari imaze imikino 22 muri Premier League ahoyayitsinze ibitego 4-3.


Nyuma y’ighe kinini hibazwa uzahagarika iyi kipe ya Guardiola yari imaze iminsi imereye nabi amakipe yo mu Bwongereza,kuri iki Cyumweru amateka yahindutse kuko Liverpool ibifashijwemo na Alex Oxylade Chamberlain,Roberto Firmino,Sadio Mane na Mohamed Salah ibashije guhagarika iki kigugu cyari kimaze kuba mpatsamakipe muri Premier League ku ntsinzi y’ibitego 4-3.

Liverpool yaje yariye karungu,yatangiye uyu mukino iri hejuru ndetse bidatinze ku munota wa 9 w’umukino ifungura amazamu ku gitego cya Alex Oxylade Chamberlain watereye ishoti rikomeye inyuma y’urubuga rw’amahina umunyezamu Ederson ntiyamenya uko bigenze.

Manchester City yagarutse mu mukino maze habura iminota itanu ngo amakipe yombi ajye kuruhuka Leroy Sane yishyurira iyi kipe ndetse igice cya mbere kirangira ari igitego 1-1.

Mu gice cya kabiri,Liverpool yatangiye iri hejuru ya Manchester City maze ku munota wa 59 Roberto Firmino aza kuyibonera igitego cya 2 cyahise gikurikirwa n’icya 3 cya Sadio Mane ku munota wa 61 w’umukino.

Ku munota wa 68 w’umukino,umunyezamu Ederson yasohotse mu izamu rye atera imbere umupira nabi wifatirwa na Mohamed Salah ahita atera ishoti rirerire mu izamu rya Manchester City ryari ryambaye ubusa igitego cya 4 cya Liverpool kiba kiranyoye.

Nyuma y’ibitego 4-1, Liverpool yabaye nk’icogoye ndetse nkuko isanzwe ibizwiho, imbaraga nke mu bwugarizi bwayo hagatangira kuboneka ibyuho byatumye yishyurwaga ibitego bibiri ku munota wa 84 n’uwa 90 bitsinzwe na Bernardo Silva ndetse na Ilkay Gundogan.

Nyuma y’uyu mukino abafana benshi b’ayandi makipe bishimiye ko Manchester City ihagaritswe aho batashakaga ko yitwa mpatsamakipe nkuko Arsenal yabigenje mu mwaka wa 2003-2004.

Uko umunsi wa 23 muri Premier League wagenze
Kuwa Gatandatu

Chelsea 0-0 Leicester
Crystal Palace 1-0 Burnley
Huddersfield 1-4 West Ham
Newcastle 1-1 Swansea
Watford 2-2 Southampton
West Bromwich 2-0 Brighton
Tottenham 4-0 Everton
Ku Cyumweru
AFC Bournemouth 2-1 Arsenal
Liverpool 4-3 Manchester City
Kuwa Mbere
22:00 Manchester United vs Stoke City

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Jose Mourinho yongeye guca amarenga y’aho agiye kwerekeza

Umutoza Jose Mourinho wirukanwe na Manchester United mu kwezi...
18 January 2019 Yasuwe: 1755 0

Ifoto y’imodoka ikomeje gukwirakwizwa hose bivugwa ko ari iya Rayon Sports...

Ubuyobozi bwa Rayon Sports bwatangaje ko ifoto y’imodoka yayo igaragara...
17 January 2019 Yasuwe: 4651 0

Rwatubyaye yafashe indege imwerekeza muri Macedonia mu igeragezwa...

Myugariro Rwatubyaye Abdul yamaze gufata indege imwerekeza mu gihugu cya...
17 January 2019 Yasuwe: 2889 0

Rwatubyaye nawe yiyongereye ku rutonde rw’abakinnyi bagiye kuva muri Rayon...

Myugariro Rwatubyaye Abdul yamaze kubona ikipe muri Macedonia yitwa FC...
17 January 2019 Yasuwe: 2399 0

FC Barcelona yasekeje benshi kubera rutahizamu yatangaje ko...

Ikipe ya FC Barcelona yakoze agashya itangaza ko yifuza rutahizamu wa...
17 January 2019 Yasuwe: 3106 0

Chelsea yamaze kubona rutahizamu mushya wo kuyifasha guhangamura...

Ikipe ya Chelsea yamaze kumvikana na Juventus kugira ngo ibatize amezi 6...
17 January 2019 Yasuwe: 2963 0