skol
fortebet

Liverpool ihaye isomo rya ruhago Arsenal bituma Wenger akomeza kujya mu mazi abira

Yanditswe: Sunday 27, Aug 2017

Sponsored Ad

Kuri iki cyumweru Taliki ya 27 Kanama nibwo ikipe ya Liverpool yanyagiye Arsenal ibitego 4-0 mu mukino wabereye ku kibuga cya Anfield . Nyuma yo gutsindwa n’ikipe ya Stoke city mu cyumweru gishize igitego 1-0, ibintu bikomeje kuba bibi cyane ku ikipe ya Wenger kuko uyu ubaye umukino wa kabiri atsinzwe mu mikino 3 imaze gukinwa muri shampiyona y’Ubwongereza aho icyizere cy’igikombe kuri iyi kipe gikomeje kuba mutahe.
Ikipe ya Liverpool yafunguye amazamu ku munota wa 17 w’umukino ku gitego (...)

Sponsored Ad

Kuri iki cyumweru Taliki ya 27 Kanama nibwo ikipe ya Liverpool yanyagiye Arsenal ibitego 4-0 mu mukino wabereye ku kibuga cya Anfield .

Nyuma yo gutsindwa n’ikipe ya Stoke city mu cyumweru gishize igitego 1-0, ibintu bikomeje kuba bibi cyane ku ikipe ya Wenger kuko uyu ubaye umukino wa kabiri atsinzwe mu mikino 3 imaze gukinwa muri shampiyona y’Ubwongereza aho icyizere cy’igikombe kuri iyi kipe gikomeje kuba mutahe.

Ikipe ya Liverpool yafunguye amazamu ku munota wa 17 w’umukino ku gitego cyatsinzwe na Roberto Firmino cyaje gukurikirwa n’icya Sadio Mane ku munota wa 40 maze amakipe yombi ajya kuruhuka ari 2 bya Liverpool ku bwa Arsenal.

Ikipe ya Arsenal yari yapfuye cyane hagati mu kibuga yakomeje kurushwa cyane mu ntangiriro z’igice cya kabiri maze ku munota wa 57 Mohamed Salah ashyiramo igitego cya gatatu cyaturutse ku gutakaza umupira kw’abasore ba Arsenal ubwo bari batakaje umupira wari uturutse muri Corner ukazamukanwa n’uyu musore wisanze asigaranye n’umuzamu Cech ashyira umupira mu rushundura.

Nyuma y’aho Liverpool ikoreye impinduka Sadio Mane agaha umwanya Daniel Sturridge, uyu musore ntiyayitegushye kuko yahise ashyiramo igitego cya kane, nyuma y’iminota itatu gusa yinjiye mu kibuga.

Icyatangaje abakunzi ba Arsenal ni uko ikipe yabo nubwo yatsinzwe nta bushake bwo kubona ibitego yagize kuko umukino wose warangiye idateye ishoti rigana mu izamu mu gihe Liverpool yateye agera ku 10.

Igikomeje kwibazwa n’abafana ba Arsenal ni aho iyi kipe igana nyuma yo gukomeza gutsindwa bene aka kageni aho benshi bakomeje kwifuza impinduka mu mitoreze ndetse benshi bashyira mu majwi umutoza Arsene Wenger ko ariwe utsindisha iyi kipe cyane ko no gupanga ikipe nabyo bisigaye byaramwihishe.

Undi mukino ukomeye wabaye kuri iki cyumweru ni aho ikipe ya Chelsea ku kibuga cyayo Stamford Bridge yahakiriye Everton birangira iyitsinze ibitego 2-0 byose byabonetse mu gice cya mbere bitsinzwe na Cesc Fabregas ku munota wa 27 na Alvaro Morata ku munota wa 40.

Indi mikino ya Premier League yabaye mu mpera z’iki cyumweru:
Ku wa Gatandatu:

Bournemouth 1-2 Manchester City
Newcastle United 3-0 West Ham
Crystal Palace 0-2 Swansea
Watford 0-0 Brighton
Huddersfield 0-0 Southampton
Manchester United 2-0 Leicester

Kuri iki Cyumweru:
Chelsea 2 - 0 Everton
West Bromwich Albion 1 - 1 Stoke City
Liverpool 4 - 0 Arsenal
Tottenham Hotspur 1 - 1 Burnley

Amafoto yaranze uyu mukino









Ibitekerezo

  • Nibayinkubitire

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa