Kigali

Liverpool na Tottenham zageze muri 1/16 cya UEFA Champions League mu buryo bugoye cyane

Imikino   Yanditswe na: Dusingizimana Remy 12 December 2018 Yasuwe: 1317

Amakipe 2 yo mu Bwongereza,Liverpool na Tottenham Hotspurs yari yitezwe cyane mu mikino ya nyuma y’amatsinda ya UEFA Champions League 2018/2019,kuko gutsinda gusa imikino ya nyuma bitari bihagije kuri Liverpool mu gihe Tottenham yo yasabwaga gutsinda FC Barcelona.

Liverpool yasabwaga gutsinda Napoli igitego 1-0 cyangwa ikinyurayo cy’ibitego 2 mu gihe yari kuba yinjijwe,yatsinze Napoli igitego 1-0 cya Mohamed Salah ku munota wwa 34 bifasha iyi kipe kwerekeza muri 1/16 cy’irangiza.

Liverpool yakinnye nabi cyane mu ijoro ryakeye ndetse ba rutahizamu bayo bahusha ibitego byinshi basigaranye n’umunyezamu Ospina byatumye ku munota wa nyuma w’inyongera irokorwa n’umunyezamu Alisson Becker wakuyemo umupira wa Arkadiusz Milik basigaranye bombi.

Tottenham yahawe itike yo gukomeza muri 1/16 na Inter Milan kuko yananiwe gutsindira FC Barcelona mu rugo banganya igitego 1-1 mu gihe iyi kipe yo mu Butaliyani yananiwe gutsindira PSV Eindhov imbere y’abafana bayo banganya igitego 1-1.

FC Barcelona niyo yafunguye amazamu ku munota wa 7 ku gitego cyiza cyane cyatsinzwe na Ousmane Dembele nyuma y’umupira yambuye umwana muto Kyle Walker Pieters,cyishyurwa na Lucas Moura ku munota wa 83 w’umukino.

Inter Milan yasabwaga gutsinda ngo ikomeze muri 1/16,yahagamwe na PSV mu rugo,banganya igitego 1-1,ndetse Mauro Icardi yaje yishyura igitego bari batsinzwe na rutahizamu wa PSV ,Hriving Lozano.

PSG niyo yayoboye iri tsinda rya C ryari rikomeye cyane,kuko yatsinze mu buryo bworoshye Crvena Zvezda ibitego 4-1 byatsinzwe na Cavani,Neymar,Marquinhos na Mbappe.

Amakipe yaraye abonye itike ya 1/16 arimo Borussia Dortmund yayoboye itsinda A na Atletico Madrid yabaye iya 2,itsinda B ryayobowe na FC Barcelona ikurikirwa na Tottenham.

Itsinda C yayobowe na PSG ikurikirwa na Liverpool mu gihe itsinda rya D ryari ku rwego rwo hasi muri aya matsinda ryayobowe na FC Porto mu gihe Schalke 04 yabaye iya 2.

Uyu munsi harakinwa imikino yo kuva mu itsinda E kugeza mu itsinda H gusa nta kidasanzwe cyitezwe muri aya matsinda kuko amakipe menshi yamaze kubona itike uretse mu itsinda rya F ririmo guhangana kwa Lyon na Shakhtar Donetsk.








Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports yamaze kwisubiza Micheal Sarpong wavugwaga muri Orlando...

Ikipe ya Rayon Sports yanze gukomeza gutegereza ibisubizo bya Orlando...
19 July 2019 Yasuwe: 5324 2

Mashami yishimiye itsinda u Rwanda rwatomboye mu gushaka itike ya AFCON...

Umutoza w’ikipe y’igihugu Amavubi,Mashami Vincent yavuze ko itsinda rya F u...
19 July 2019 Yasuwe: 1866 0

Perezida Sadate yasubije abibaza ku byerekeye umutoza Robertinho,Sarpong,ikibazo

Umuyobozi mushya wa Rayon Sports,Munyakazi Sadate yatangaje ko mu myaka 2...
19 July 2019 Yasuwe: 6430 2

FC Barcelona yahaye PSG urutonde rw’abakinnyi 6 na miliyoni 90 z’amayero...

Ikipe ya Barcelona yazamuye igiciro yatangaga kuri Neymar Jr igeza kuri...
19 July 2019 Yasuwe: 2927 0

Ikipe ya Bugesera FC yasezereye abakinnyi 18 barimo abo yagenderagaho

Ikipe ya Bugesera FC yateye ikirenge mu cy’amakipe ya APR FC, AS Kigali na...
19 July 2019 Yasuwe: 1013 0

Amavubi yisanze mu itsinda rimwe na Cameroon mu gushaka itike ya AFCON...

Ikipe y’igihugu Amavubi yisanze mu itsinda rya F hamwe na Cameroun, u Rwanda...
19 July 2019 Yasuwe: 643 0