Kigali

Liverpool yatangiye kwanikira abakeba barimo Manchester City yahaye isomo rya ruhago

Imikino   Yanditswe na: Dusingizimana Remy 10 November 2019 Yasuwe: 2487

Ibitego bya Fabinho,Mohamed Salah na Sadio Mane byafashije ikipe ya Liverpool kwereka isi yose ko uyu mwaka w’imikino ifite gahunda ihamye yo kwegukana igikombe cya shampiyona y’Ubwongereza iheruka mu mwaka wa 1990.



Imbere y’abakunzi bayo ku kibuga Anfield,Liverpool yashimangiye ubudahangarwa muri shampiyona y’uyu mwaka ubwo yatsindaga Manchester City ibitego 3-1 mu mukino w’umunsi wa 12 wa shampiyona.

Manchester City yari yaje ku kibuga cya Liverpool idafite bamwe mu bakinnyi bayo barimo Aymeric Laporte,umunyezamu wayo wa mbere Ederson, David Silva na Benjamin Mendy.

Manchester City yari yoroshye cyane mu bwugarizi,yazamukanye umupira ku munota wa 06, Bernardo Silva agerageza kuwugarura mu rubuga rw’amahina ugarurwa n’ukuboko kwa Trent Alexander Arnold ariko umusifuzi Micheal Oliver avuga ko nta penaliti yabaye.

Liverpool yahise izamukana uyu mupira,Sadio Mane awutera mu rubuga rw’amahina rwa Manchester City,ba myugariro bayo birwanaho bawusohora usanga Fabinho aho yari ahagaze atera ishoti rikomeye ryabyaye igitego cya mbere cya Liverpool.

Ku munota wa 13 Liverpool yahise ibona igitego cya 3 cyatsinzwe na Mohamed Salah n’umutwe ku mupira mwiza yahawe na Andrew Robertson.

Liverpool yatsinze igitego cya 3 ku munota wa 51 gitsinzwe na Sadio Mane n’umutwe ku mupira mwiza yahawe na Jordan Henderson.

Umunyezamu Claudio Bravo yakoze ikosa ryo kureka uyu mupira wa Henderson umurengaho yanga kuwukubita ibipfunsi wisangira Sadio Mane.

Uyu munyezamu Bravo yitwaye nabi ntibyafasha ikipe ya Manchester City ifite ibikombe 2 bya shampiyona biheruka,nubwo yabonye igitego cy’impozamarira ku munota wa 78 w’umukino gitsinzwe na Bernardo Silva.

Ku munota wa 82 umusifuzi Micheal Oliver yateje umwuka mubi ubwo yangaga guha Manchester penaliti ku mupira Trent Alexander Arnold yagaruriye mu rubuga rw’amahina ku nshuro ya kabiri muri uyu mukino.

Pep Guardiola yarakajwe n’iki cyemezo agaragaza uburakari bwinshi ubwo yegeraga umusifuzi Mike Dean bishobora kuzamuviramo guhanwa.

Gutsinda uyu mukino byafashije Liverpool kuyobora Shampiyona n’amanota 34 aho irusha Leicester City ya kabiri amanota 26 inganya na Chelsea FC ya 3 mu gihe Manchester City iri ku mwanya wa 4 n’amanota 25.








Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Munyakazi Sadate na KNC bateranye amagambo karahava mbere yo gukina umukino...

Perezida wa Rayon Sports,Munyakazi Sadate yise Gasogi United umwana...
12 November 2019 Yasuwe: 3222 0

Neymar Jr yasohokanye w’uburanga budasanzwe bivugwa ko ariwe bari kumwe mu...

Rutahizamu wa PSG,Neymar Jr, umaze iminsi mu mvune yatumye benshi bacika...
12 November 2019 Yasuwe: 2940 0

Abakinnyi ba Juventus basabye Cristiano Ronaldo ikintu gikomeye nyuma yo...

Abakinnyi ba Juventus bababajwe cyane n’imyitwarire mibi ya Cristiano...
12 November 2019 Yasuwe: 4104 0

Ikipe y’igihugu cy’u Rwanda ’AMAVUBI’ yageze muri Mozambique[AMAFOTO]

Abakinnyi 22 b’ikipe yigihugu Amavubi bahagurutse i Kigali mu rukerera rwo...
12 November 2019 Yasuwe: 1093 0

Munyaneza Didier yatangiranye imbaraga zidasanzwe Tour du Senegal ahita...

Umunyarwanda Munyaneza Didier uzwi nka Mbappe yitwaye neza mu gace ka...
12 November 2019 Yasuwe: 740 0

Cristiano Ronaldo ashobora kumara imyaka 2 adakina kubera amakosa akomeye...

Rutahizamu w’ikipe ya Juventus,Cristiano Ronaldo ari mu mazi abira kubera...
11 November 2019 Yasuwe: 6143 0