Kigali

Lomami Marcel yasabye abafana ba Rayon Sports kumugirira icyizere

Imikino   Yanditswe na: 18 November 2017 Yasuwe: 2924

• Lomami Marcel yiteguye gufasha ikipe ya Rayon Sports kwitwara neza
• Lomami Marcel yasabye abafana ba Rayon Sports kumushyigikira
• Lomami Marcel niwe uzaba ari umutoza mukuru ku mukino wa Mukura VS
• Lomami Marcel yiteguye kugera ikirenge mu cya Masudi Djuma

Umutoza wungirije w’ikipe ya Rayon Sports Lomami Marcel, uzaba ari umutoza mukuru ku mukino ikipe ya Rayon Sports izakina na Mukura VS kuri iki cyumweru, yasabye abafana b’iyi kipe kumuha icyizere ndetse no kujya inyuma y’abakinnyi bayo kuri uyu mukino.

LomamiMarcel wa kabiri uturutse iburyo niwe uzatoza Rayon Sports bahura na MVS

Ku munsi w’ejo Taliki ya 17 Ugushyingo 2017, nibwo umutoza Lomami Marcel yatangarije abanyamakuru ko yifitiye icyizere kandi yizeye gutsinda umukino wa Mukura VS cyane ko abatoza 2bari bamukuriye batazaboneka.

Yagize ati “Ibihe turimo ntabwo byoroshye gusa tuzakomereza aho abatoza bakuru bari bagejeje turebe ko twabivamo.Iyo umuntu atangiye gutoza abantu benshi bashobora kuvuga bati nta bushobozi afite ariko kuri njye ndiyizeye kandi ndabizi ko nta kibazo kizabaho mpaka igihe umutoza azagarukira cyangwa igihe komite izashyiraho undi mutoza.Kuri njye ndabona nta kibazo gihari kuko igihe maze muri Rayon Sports kirahagije.Twakoranye na Masudi bimeze gutya twitwara neza,ntabwo ndi umushyitsi muri Rayon Sports kuko na Masudi atangira niko byagenze kandi yabyitwayemo neza, nanjye mfite icyizere ko bizagenda neza.”

Mu gitondo cyo ku wa Gatatu taliki ya 15 Ugushyingo 2017,nibwo haramutse inkuru mbi ko umutoza wungirije Ndikumana Hamad uzwi nka Katauti yitabye Imana ndetse kuri uwo munsi umutoza mukuru wa Rayon Sports Olivier Karekezi atabwa muri yombi na Polisi y’igihugu kubera gukekwaho ibyaha bikoreshejwe ikoranabuhanga,byatumye ikipe ya Rayon Sports isigarana abatoza 2 Lomami Marcel na Nkunzingoma Ramadhan w’abanyezamu bakaba aribo bazayobora umukino bafitanye na Mukura VS ku munsi w’ejo.

Andi makuru ari kuvugwa muri Rayon Sports ni uko ifite abakinnyi 15 gusa kuko abasore nka Usengimana Faustin,umunyezamu wa kabiri Kassim na Mugisha Gilbert bafite imvune mu gihe Nahimana Shassir we yahawe ikarita y’umutuku agomba gusiba uyu mukino.

Uko imikino iteganyijwe
Kuwa Gatandatu

APR FC vs Kirehe FC 3:30pm
Bugesera vs Gicumbi FC
Musanze vs Amagaju
SC Kiyovu vs Espoir

Ku cyumweru
Miroplast vs Police FC 3:30pm
AS Kigali vs Sunrise FC
Marines vs Etincelles
Rayon Sports vs Mukura

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sergio Ramos yabwiye amagambo akomeye abagereranya Mohamed Salah na...

Kapiteni w’ikipe ya Real Madrid Sergio Ramos yabwiye abantu bamaze iminsi...
26 May 2018 Yasuwe: 3139 0

Ronaldinho yanyomoje ibyo kurongora abakobwa babiri

Kabuhariwe Ronaldinho yatunguye isi yose ubwo yanyomozaga amakuru yo...
26 May 2018 Yasuwe: 1518 0

Byinshi ukwiriye kumenya kuri Livepool na Real Madrid zirakina uyu...

Umunsi wari utegerejwe na benshi wageze aho amakipe yahize ayandi mu...
26 May 2018 Yasuwe: 853 0

AS Kigali inyagiye Bugesera biyifasha gusatira APR FC

Ikipe ya AS Kigali igaragaje ko igifite gahunda yo guhanganira igikombe cya...
25 May 2018 Yasuwe: 1555 0

Reba amafoto ya bamwe mu bagore n’abakunzi b’abakinnyi ba Real Madrid na...

Ku munsi w’ejo nibwo kuri stade ya NSC Olimpiyskiy Stadium iherereye mu mugi...
25 May 2018 Yasuwe: 4730 1

Mayweather yongeye kwifotoza afite akayabo k’ amadolari umukobwa ari...

Kabuhariwe mu iteramakofe Floyd Mayweather yongeye kwereka isi yose ko ari...
25 May 2018 Yasuwe: 2049 0