Umukinnyi ukina hagati mu ikipe ya Arsenal yatumye benshi bacika ururondogoro kubera ifoto yashyize hanze ari gusomana n’umukunzi we Vittoria Repetto bahagaze hafi y’umunara muremure wa Eiffel mu mujyi wa Paris.

Sponsored Ad

Nyuma yo kugaragara mu mukino wa gicuti igihugu cye Uruguay cyatsinzwemo n’Ubufaransa igitego 1-0,Torreira yahise ajya kwirira ubuzima n’uyu mukunzi we Repetto ndetse bifotoza bari kumwe I Paris.

Torreire ni umwe mu bakinnyi bakunzwe mu ikipe ya Arsenal kubera yabaye igisubizo mu kibuga hagati nyuma yo kuza muri iyi kipe mu mpeshyi avuye muri Sampdoria mu Butaliya.

Torreira yifotoje iyi foto ari kumwe n’uyu mukunzi we Vittoria Repetto ku munsi w’ejo Taliki ya 21 Ugushyingo 2018,mbere yo kugaruka mu bwongereza gufatanya na bagenzi be kwitegura umukino Arsenal ifitanye na Bournemouth ku Cyumweru.