Rutahizamu w’ikipe ya Manchester United Romelu Lukaku yatangaje ko ikipe ya Manchester United iri mu biganiro n’abakinnyi bakomeye kugira ngo bazayifashe gutwara ibikombe bikomeye mu mwaka w’imikino utaha.
Jose Mourinho yiteguye kugura abakinnyi benshi
Lukaku yatangaje ko umutoza Jose Mourinho yababajwe no gusezererwa na Sevilla mu mikino ya UEFA Champions League ndetse yiteguye gukora impinduka mu kwezi kwa Kamena kugira ngo bahindure imikinire y’ikipe ya Manchester United.
Yagize ati (...)

Sponsored Ad

Rutahizamu w’ikipe ya Manchester United Romelu Lukaku yatangaje ko ikipe ya Manchester United iri mu biganiro n’abakinnyi bakomeye kugira ngo bazayifashe gutwara ibikombe bikomeye mu mwaka w’imikino utaha.

Jose Mourinho yiteguye kugura abakinnyi benshi

Lukaku yatangaje ko umutoza Jose Mourinho yababajwe no gusezererwa na Sevilla mu mikino ya UEFA Champions League ndetse yiteguye gukora impinduka mu kwezi kwa Kamena kugira ngo bahindure imikinire y’ikipe ya Manchester United.

Yagize ati “Turi Manchester United,buri mwaka tugomba kuzamura urwego rwacu buri mwaka niyo mpamvu mu mpeshyi tugomba kubona abakinnyi bashya beza.Twese twiteguye ko ikipe izahinduka umwaka utaha kuko tugomba gutsinda, tugatwara n’ibikombe.”

Biravugwa ko abakinnyi nka Blaise Matuidi wa Juventus, Fred wa Shakhtar Donetsk na Ivan Perisic wa Inter Milan bashobora kuza mu ikipe ya Manchester United umwaka utaha.

Manchester United yiteguye kurekura bamwe mu bakinnyi badatanga umusaruro nka Luke Shaw, Matteo Darmian, Chris Smalling, Juan Mata,Daley Blind na Anthony Martial.

Manchester United yaraye itsinze ibitego 2-0 Brighton ihita ikatisha itike yo kwerekeza mu mikino ya ½ cya FA Cup.