Kigali

Manchester City itsinze Arsenal mu rugamba rwo kwisubiza Premier League

Imikino   Yanditswe na: Dusingizimana Remy 12 August 2018 Yasuwe: 1060

Mu mukino wayo wa mbere wa Premier League 2018/2019, Manchester City itsindiye Arsenal imbere y’abafana bayo ibitego 2-0,itanga ubutumwa ko n’uyu mwaka ishobora kwisubiza igikombe cya shampiyona.

Arsenal yari yakiriye umutoza wayo mushya Unai Emery ntibashije kubyitwaramo neza kuko itsinzwe ibitego 2-0 ku kibuga Emirates Stadium,byatsinzwe na Raheem Sterling na Bernardo Silva.

Manchester City yarangije umwaka ushize iciye agahigo ko kugeza ku manota 100,yatangiye umukino irusha Arsenal cyane byatumye Raheem Sterling acenga ba myugariro ashyiramo igitego ku munota wa 14 w’umukino.

Arsenal yari yabanje mu kibuga abakinnyi barimo Guendouzi baherutse kugura,yagerageje kwishyura iki gitego ariko ntibyayikundira byatumye igice cya mbere kirangira Manchester City irangiza igice cya mbere iyoboye umukino muri byose.

Arsenal yatangiye igice cya kabiri isimbuza aho Ramsey yahaye umwanya Lacazette, wageze mu kibuga ahusha uburyo bukomeye aho yasigaranye n’izamu umupira awutera hanze.

Manchester City yabonye uburyo bukomeye ku munota wa 62, ubwo Sergio Aguero yasigaga Matteo Guendouzi wari umaze guhusha umupira,asigarana n’umunyezamu Petr Cech, witwaye neza akuramo umupira yashatse kumuroba mu Nguni.

Manchester City yakomeje gusatira izamu rya Arsenal byatumye ku munota wa 64 Bernardo Silva ashyiramo igitego cya kabiri ku mupira yatereye mu rubuga rw’amahina umunyezamu Petr Cech ntiyabasha kuwukuramo.

Arsenal yakomeje kugerageza kwishyura igitego kimwe kugira ngo nibura igaruke mu mukino birayinanira,byatumye umukino urangira Manchester City itahanye amanota 3.

Mu wundi mukino wabaye uyu munsi ikipe ya Liverpool yahaye ubutumwa bukomeye abakeba kuko yatsinze West Ham ibitego 4-0 byatsinzwe na Sadio Mane watsinze 2,Mohamed Salah ashyiramo kimwe we na Daniel Sturridge.

Abakinnyi babanje mu kibuga ku mpande zombi:

ARSENAL (4-3-3): Cech; Bellerin, Sokratis, Mustafi, Maitland-Niles (Lichtsteiner 35); Guendouzi, Xhaka, Mkhitaryan; Ramsey (Lacazette 54), Ozil, Aubameyang.

MANCHESTER CITY (4-1-4-1): Ederson; Walker, Stones, Laporte, Mendy; Fernandinho; Gundogan, Bernardo, Mahrez (De Bruyne 60), Sterling (Sane 86); Aguero.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Jose Mourinho yahaye Liverpool ubutumwa bwashimishije abakunzi ba...

Umutoza wa Manchester United,Jose Mourinho yabwiye Liverpool ko atazigera...
14 December 2018 Yasuwe: 2948 0

FC Barcelona yahaye igihano gitangaje Ousmane Dembele usigaye asiba...

Ubuyobozi bwa FC Barcelona bwahaye rutahizamu Ousmane Dembele igihano cyo...
14 December 2018 Yasuwe: 3313 0

Masudi Djuma yavuze impamvu ikomeye yatumye yanga kugaruka muri Rayon...

Umutoza wa AS Kigali yavuze ko ikipe ya Rayon Sports yamuvugishije nyuma yo...
14 December 2018 Yasuwe: 2782 0

Bashunga Abouba yasabye ubufasha bukomeye ubuyobozi bwa Rayon Sports nyuma...

Umunyezamu wa Rayon Sports,Bashunga Abouba watewe n’abagizi ba nabi mu ijoro...
14 December 2018 Yasuwe: 3190 1

Manchester United yarahiriye kongera gutwara umukinnyi ukomeye wa...

Ikipe ya Manchester United ikunze gutwara abakinnyi bakomeye...
14 December 2018 Yasuwe: 1830 0

Masudi Djuma na AS Kigali babonye amanota 3 ku nshuro ya mbere

Ikipe ya AS Kigali n’umutoza wayo bariruhukije kuko babonye amanota 3 ya...
13 December 2018 Yasuwe: 1331 0