Ikipe ya Manchester City ikomereje aho yarangirije shampiyona y’umwaka ushize kuko itsinze Chelsea FC ibitego 2-0 iyitwara igikombe cya FA Community Shield gihuza ikipe yatwaye Premier League na FA Cup.

Sponsored Ad

Nyuma yo gutwara premier League y’umwaka ushizeikoze agahigo ko kugeza ku manota 100,Manchester City yeretse abakunzi ba ruhago ko n’uyu mwaka izaba itoroshye kuko itsinze Chelsea ibitego 2-0 iyiusha ku rwego rwo hejuru.

Sergio Kun Aguero niwe wafunguye amazamu ku munota wa 18 w’umukino ku mupira mwiza yahawe na Phil Phoden.

Chelsea yagerageje kwishyura iki gitego biranga biba iby’ubusa byatumye ku munota wa 58 Sergio Kun Aguero atsinda igitego cya kabiri ku mupira yahawe na Bernardo Silva.

Manchester City yaruhije bikomeye Chelsea nyuma y’iki gitego ndetse yakabaye yashyizemo igitego cya 3 mu minota ya nyuma y’umukino.

Chelsea FC yakinnye uyu mukino idafite abakinnyi bayo ba kizigenza barimo umunyezamu Thibaut Courtois,Eden Hazard na N’golo Kante bari mu biruhuko nyuma y’igikombe cy’isi.