Umusore Kyle Walker w’imyaka 27 yamaze gusinya imyaka 5 mu ikipe ya Manchester City nyuma y’imyaka 8 yari amaze mu ikipe ya Tottenham Hotspurs aho yaguzwe akayabo ka miliyoni 54 z’amapawundi.
Nyuma y’igihe kinini havugwa ko uyu musore ari kuganira n’iyi kipe inkuru yabaye impamo kuri uyu wa gatanu taliki ya 14 Nyakanga aho abinyujije ku rubuga rwe Twitter uyu mwongereza ariwe witangarije ko yamaze kwerekeza muri iyi kipe aho agiye kujya ahembwa ibihumbi 130 by’amapawundi ku kwezi.
Nyuma yo (...)

Sponsored Ad

Umusore Kyle Walker w’imyaka 27 yamaze gusinya imyaka 5 mu ikipe ya Manchester City nyuma y’imyaka 8 yari amaze mu ikipe ya Tottenham Hotspurs aho yaguzwe akayabo ka miliyoni 54 z’amapawundi.

Nyuma y’igihe kinini havugwa ko uyu musore ari kuganira n’iyi kipe inkuru yabaye impamo kuri uyu wa gatanu taliki ya 14 Nyakanga aho abinyujije ku rubuga rwe Twitter uyu mwongereza ariwe witangarije ko yamaze kwerekeza muri iyi kipe aho agiye kujya ahembwa ibihumbi 130 by’amapawundi ku kwezi.

Nyuma yo gusinyira Manchester City Walker yagize ati “Ndishimye cyane kuba nsinye mu ikipe ya Manchester City.Sinjye uzarota ntangiye gukina.Pep Guardiola ni umwe mu batoza bakomeye ku isi nizeye ko azamfasha kuzamura imikinire yanjye.”

Uyu musore yahise aca agahigo ko kuba myugariro uhenze kurusha abandi ku isi aho agaheruka kari gafitwe na David Luiz waguzwe miliyoni 50 ubwo yavaga mu ikipe ya Chelsea yerekeza mu ikipe ya PSG mu mwaka wa 2014.

Abandi bakinnyi bahinduye amakipe:
Nelson Semedo umunya Portugal wakiniraga Benfica aho akina inyuma ku ruhande rw’iburyo, yamaze kwerekanwa nk’umukinnyi mushya wa FC Barcelone mu gihe myugariro w’umutaliyani wakiniraga Juventus Leonardo Bonucci yamaze kwerekeza mu ikipe ya AC Milan ku masezerano y’imyaka 2 aho yaguzwe miliyoni 35 z’amapawundi.