Kigali

Manchester City yatangiranye Premier League umuvuduko wo ku rwego rwo hejuru

Imikino   Yanditswe na: Dusingizimana Remy 10 August 2019 Yasuwe: 2277

Ikipe ya Manchester City ikomeje kuba mpatsamakipe muri Premier League,yatangiranye ingufu zikomeye shampiyona y’uyu mwaka inyagirira Westham United ibitego 5-0 ku kibuga cyayo I London.

Iyi kipe yatwaye Premier League 2 ziheruka yikurikiranya,yongeye kugaragaza ko bizagorana kuyihagarika uyu mwaka nyuma yo gutsindira West Ham ku kibuga cyayo ibitego 5-0 mu mukino w’umunsi wa mbere wa Premier League.

Raheem Sterling warangije umwaka ushize afite ibitego 17 muri shampiyona,yatangiye uyu mwaka ari ku rwego rwo hejuru kuko yatsinze ibitego 3 muri ibi bitego 5 Manchester City yatsinze.

Manchester City yafunguye amazamu ku munota wa 25 ibifashijwemo na Gabriel Jesus,Raheem Sterling atsinda ibitego 2 byikurikiranya ku munota wa 51 n’uwa 75 nyuma Sergio Aguero yinjiza penaliti ku munota wa 86.Raheem Sterling yatsinze igitego cye cya gatatu muri uyu mukino ku munota wa 90.

Muri uyu mukino,VAR yatangiye gukoreshwa muri Premier League yanze igitego Gabriel Jesus yatsinze ndetse yemeza penaliti ya Manchester City nyuma y’aho umusifuzi Mike Dean yariyanze kuyitanga.

Aguero yateye iyi penaliti inshuro 2 kuko ubwa mbere yayiteye umunyezamu Fabianski wa West Ham ayikuramo ariko VAR yemeza ko yari yavuye ku murongo mbere y’uko batera,hanyuma Aguero ayisubiramo arayitsinda.

Manchester City yeretse Liverpool ko urugamba rwa shampiyona uyu mwaka ruzakomera kuko nayo yaraye itsinze Norwich ibitego 4-1.

Iyi kipe ya Guardiola ifite abakinnyi b’abahanga mu gukora ibitego kuko uyu munsi Riyad Mahrez yatanze imipira ivamo ibitego 2 mu gihe Kevin de Bruyne witwaye neza cyane yategekaga umupira uko abishaka.

West Ham yaruhijwe cyane mu kibuga hagati,yongeye kwandagazwa ku mukino w’umunsi wa mbere wa shampiyona kuko no mu mwaka ushize yanyagiwe na Liverpool ibitego 4-0.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Lionel Messi yakuye umutima abafana ba FC Barcelona kubera ibyo yatangaje...

Rutahizamu Lionel Messi yavuze ko atazigera yemera gusinyira FC Barcelona...
20 October 2019 Yasuwe: 2319 0

Kimenyi Yves nawe yavuze ku kuba ngo umukunzi we yaramutaye akisangira undi...

Umunyezamu w’Ikipe y’Igihugu Amavubi na Rayon Sports Kimenyi Yves yavuze ko...
20 October 2019 Yasuwe: 6178 0

Sadio Mane yavuze kuri Messi wamutoye nk’umukinnyi witwaye neza kurusha...

Rutahizamu wa Liverpool na Senagal,Sadio Mane, yavuze bwa mbere kuri Lionel...
20 October 2019 Yasuwe: 3080 0

Solskjaer yabwiye Liverpool amagambo arimo incyuro mbere yo guhura...

Mbere y’umukino byitezwe na benshi ko Manchester United irabatizwa na...
20 October 2019 Yasuwe: 2360 0

Uruganda rwa Cimerwa rwahaye ibikoresho ya kipe y’abana yagaragaye mu...

Kuri uyu wa gatandatu, ubuyobozi bw’uruganda nyarwanda rukora sima rwa...
20 October 2019 Yasuwe: 3475 0

Patriots BBC yakatishije itike yo kwerekeza mu cya kabiri cy’imikino...

Ikipe ya Patriots BBC ihagarariye u Rwanda mu marushanwa ya Basketball...
20 October 2019 Yasuwe: 496 0