Kigali

Manchester City yatangiye gutera umugongo igikombe cya shampiyona yaherukaga gutwara inshuro 2 zikurikiranya

Imikino   Yanditswe na: Dusingizimana Remy 6 October 2019 Yasuwe: 1201

Ikipe ya Manchester yongeye gutera intambwe isubira inyuma ku gikombe cya shampiyona cy’uyu mwaka w’imikino 2019/2020 kuko yatsindiwemu rugo na Wolves ibitego 2-0 bituma irushwa na Liverpool amanota 8 mu mikino 8 ya shmapiyona imaze gukinwa.

Manchester City ifite ikibazo cy’aba myugariro kuko abarimo Aymerick Laporte na John Stones bavunitse,yatsinzwe mu minota 10 ya nyumaibitego 2-0,ikomeza gutentebuka mu rugamba rwo guhanganira na Liverpool igikombe.

Ni ku munsi wa 8 ariko Manchester City iri kwitwara nabi kuko imaze gutakaza amanota 8 yose mu gihe Liverpool yaraye itsinze umukino wa munani yikurikiranya muri uyu mwaka wa shampiyona ubwo yatsindaga Leicester ibitego 2-1.

Manchester City yatsinzwe igitego cya mbere ku munota wa 80 gitsinzwe na Adama Traore hanyuma ku munota wa 03 w’inyongera ayitsinda igitego cya kabiri cyayikuye mu mukino burundu.Manchester City yarushijwe cyane muri uyu mukino bituma abakinnyi bayo 5 barimo Rodri, Cancelo, Ederson, Fernandinho, Gundogan bahabwa amakarita y’umuhondo kubera amakosa.

Uku gutsindirwa mu rugo gusobanuye byinshi kuri Manchester City kuko nyuma y’imyaka 2 ishize itwara Premier League,bishobora kuzayigora muri uyu mwaka kuko Liverpool bahanganye yanze gutakaza na rimwe ndetse iri no gutsindira ku munota wa nyuma nkuko yaraye ibigenje itsinda Leicester yari yayigoye.

Mu yindi mikino yabaye,ikipe ya Arsenal yatsinze bigoranye AFC Bournemouth yari yabasuye igitego 1-0 cyatsinzwe na David Luiz ku mutwe ku munota wa 25, nyuma y’umupira wari uvuye muri koloneri yatewe na Nicolas Pepe.

Arsenal isigaye ikina umupira utaryoheye ijisho,yatwaye aya amanota 3 ku kaburembe kuko Bournemouth yabonye uburyo bwinshi bwo kuyishyura ntiyabubyaza umusaruro.

Chelsea isigaye ihagaze neza,yasanze Southampton iwayo iyitsinda ibitego 4-1 byatsinzwe na Tammy Abraham,Mason Mount,N’golo Kante na Mitchy Batshuayi.Manchester United yo yakinaga na Newcastle ubwo twandikaga iyi nkuru.

Kugeza kuri uyu munsi wa 08 wa shampiyona,Liverpool iyoboye urutonde n’amanota 24 kuri 24,Manchester City ni iya kabiri na 16,Arsenal ni iya 3 na 15 mu gihe Chelsea ari iya 05 n’amanota 14.

Tottenham yatsinzwe na Brighton ibitego 3-0 kuri uyu wa Gatandatu iri ku mwanya wa 09 hanyuma Manchester United mu mikino 07 ifite amanota 09 ku mwanya wa 12.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ku rutonde rw’abakinnyi 10 ba mbere beza b’ikinyejana cya 21,Lionel Messi...

Umunya-Argentine Lionel Andres Messi ukinira FC Barcelona yo mu gihugu cya...
21 October 2019 0

Abakinnyi 30 bazavamo uwegukana Ballon d’Or bamaze kumenyekana

Muri uyu mugoroba wo kuri uyu wa Mbere taliki ya 21 Ukwakira...
21 October 2019 Yasuwe: 429 0

Umugabo wagenderaga mu mutaka yaparitse mu kibuga rwagati ahagarika umukino...

Umugabo utavuzwe amazina yakoze amahano amanukira mu mutaka [parachute]...
21 October 2019 Yasuwe: 2273 0

Musanze FC yahaye umutoza wayo umukoro ukomeye kugira ngo atabare akazi ke...

Umutoza wa Musanze FC Amars Niyongabo yabwiwe ko natabona amanota 7 mu...
21 October 2019 Yasuwe: 878 0

Rayon Sports yahanitse ibiciro byo kwinjira ku mukino izakiramo Bugesera...

Ikipe ya Rayon Sports yamaze gushyira ahagaragara ibiciro byo kwinjira ku...
21 October 2019 Yasuwe: 2120 0

Sugira Ernest yatangaje impamvu yitwara neza mu ikipe y’igihugu kurusha muri...

Rutahizamu Sugira Ernest ukomeje kwigarurira imitima y’abakunzi ba ruhago...
21 October 2019 Yasuwe: 2089 0