Ikipe ya Manchester City yatsinze Chelsea igitego 1-0 mu mukino w’ishyiraniro wabereye ku kibuga Stamford Bridge cy’ikipe ya Chelsea umukino waranzwe no kwiharira umupira kw’iyi kipe itozwa n’umutoza Pep Guardiola.
Chelsea yari yari yagaruye umukinnyi wayo igenderaho Eden Hazard ntiyabashije kwitwara neza imbere y’abafana bayo dore ko guhera ku munota wa mbere kugeza ku wa nyuma yaruhijwe bikomeye na Manchester City gusa umukino urangira ari igitego 1-0 cyatsinzwe na Kevin De Bruyne ku munota (...)

Sponsored Ad

Ikipe ya Manchester City yatsinze Chelsea igitego 1-0 mu mukino w’ishyiraniro wabereye ku kibuga Stamford Bridge cy’ikipe ya Chelsea umukino waranzwe no kwiharira umupira kw’iyi kipe itozwa n’umutoza Pep Guardiola.


Chelsea yari yari yagaruye umukinnyi wayo igenderaho Eden Hazard ntiyabashije kwitwara neza imbere y’abafana bayo dore ko guhera ku munota wa mbere kugeza ku wa nyuma yaruhijwe bikomeye na Manchester City gusa umukino urangira ari igitego 1-0 cyatsinzwe na Kevin De Bruyne ku munota wa 67 w’umukino.

Ikipe ya Manchester City yateye imipira 6 igana mu izamu mu gihe Chelsea yateye imipira 2 yonyine ndetse iyi kipe ya Manchester City irangiza ifite 62 ku ijana mu guhererekanya umupira mu gihe Chelsea yagize 38.Ikindi cyagaragaye muri uyu mukino n’ivunika rya rutahizamu wa Chelsea wavuye mu kibuga ku munota wa 35.

Mu yindi mikino ikipe ya Manchester United yatsinze ikipe ya Stoke City ibitego 4-0 byatsinzwe na Juan Mata,Marouane Fellaini watsinze 2 mu gihe rutahizamu Romelu Lukaku uhagaze neza muri iyi minsi yatsinze igitego cya nyuma bituma Manchester United nayo ikomeza gutanga ubutumwa bw’uko nayo ishaka Premier League y’uyu mwaka igeze ku munsi wa 7.

Uko indi mikino yagenze
Huddersfield Town 0-4 Tottenham Hotspur
AFC Bournemouth 0-0 Leicester City
Stoke City 2-1 Southampton
West Bromwich Albion 2-2 Watford
West Ham United 1-0 Swansea City