Kigali

Manchester City yatsinze Manchester United yiyongerera amahirwe yo kwegukana igikombe cya shampiyona

Imikino   Yanditswe na: Dusingizimana Remy 25 April 2019 Yasuwe: 1323

Pep Guardiola yaraye akoze agahigo ko kuba umutoza wa mbere utsindiye Manchester United ku kibuga cyayo Old Trafford inshuro 3 zikurikiranya,ubwo yayitsindaga ibitego 2-0 mu mukino w’ikirarane wabaye mu ijoro ryo kuri uyu wa Gatatu.

Pep Guardiola wari ufite ikizamini cyo gutsinda Manchester United kugira ngo ikomeze urugamba rwo guhatanira igikombe na Liverpool,yarwitwayemo neza ayitsindira ku kibuga cyayo ibitego 2-0 byose byinjiye mu gice cya kabiri.

Manchester City yayoboye umukino kuva utangiye kugera urangiye,yafunguye amazamu ku munota wa 55 w’umukino,ku gitego cyatsinzwe na Bernardo Silva ku mupira yateye aho umunyezamu David de Gea yari ahagaze.

Ku munota wa 66,Fred yatakaje umupira wifatirwa na Kompany,nawe ahita awuhereza Raheem Sterling wawuhereje Leroy Sane atera ishoti rikomeye,umunyezamu De Gea yongera gukora ikosa ntiyabasha gukuramo umupira,kiba igitego cya kabiri.

Manchester City izakina na Burnley mu mukino ukurikiraho,irasabwa gutsinda imikino 3 isigaye kugira ngo itware igikombe Liverpool.

Ku rundi ruhande Arsenal yandagajwe bikomeye na Wolves ibitego 3-1,itakaza amahirwe yo kurara ku mwanya wa 4 wa shampiyona.

Ibitego bya Wolves byose byinjiye mu gice cya mbere, bitsinzwe na Ruben Neves,Matt Doherty na Diogo Jota mu gihe igitego cy’impozamarira cya Arsenal cyatsinzwe na Sokratis.





Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mu bakinnyi bandi ikipe ya Mukura yasinyishije harimo n’uwo APR FC...

Ikipe ya Mukura Victory Sports et Loisirs, yemeje ko yamaze gusinyisha...
18 July 2019 Yasuwe: 1591 0

Neymar Jr ari hafi kwerekeza mu ikipe ikomeye idakina muri LA...

Rutahizamu Neymar Jr wa PSG ukomeje kuvugwa cyane mu binyamakuru,ashobora...
18 July 2019 Yasuwe: 2355 0

Petro Atletico de Luanda yatangaje Tuyisenge Jacques nk’umukinnyi wayo...

Hari hashize amezi menshi bivugwa ko rutahizamu w’Umunyarwanda Tuyisenge...
18 July 2019 Yasuwe: 2166 0

Akayabo APR FC yahawe kuri Hakizimana Muhadjiri kamenyekanye

Ikipe ya Emirates Club yo muri yo muri Leta zunze ubumwe z’Abarabu [UAE]...
18 July 2019 Yasuwe: 5059 0

Zlatko Krmpotic washenguye imitima y’abafana ba APR FC yabonye ikipe muri...

Umutoza ukomoka muri Serbia, Zlatko Krmpotic wanzwe n’abafana ba APR FC...
18 July 2019 Yasuwe: 1590 0

Abanya Nigeria banenze umutoza Rohr kubera umukinnyi ukomeye wabahesheje...

Abanya Nigeria bakunda umupira w’amaguru ntibanyuzwe n’umwanya wa 3 ikipe...
18 July 2019 Yasuwe: 2362 0