Nubwo uyu mwaka itatwaye igikombe na kimwe,Manchester United niyo kipe ya mbere muri ruhago ihenze kurusha andi makipe ku isi aho yigaranzuye Real Madrid na FC Barcelona zimaze kuba ubukombe mu gutwara ibikombe.

Sponsored Ad

Manchesster United ifite agaciro ka miliyari 3 na miliyoni 160 z’amapawundi, nkuko byatangajwe na Forbes Magazine imenyerewe gushyira hanze urutonde rw’ibintu n’abantu bahiga abandi mu mafaranga n’icyubahiro ku isi.

Dallas Cowboys ikipe ihenze kurusha izindi ku isi

Manchester United itakiri mu ruhando rw’amakipe akanganye mu kibuga,irushwa n’ikipe imwe yo muri Amerika yitwa Dallas Cowboys ikina umukino wa American football,ikarusha ibi bigugu byo muri Espagne biyikurikiye.

Uretse Manchester United,FC Barcelona na Real Madrid,nta yindi kipe ya ruhago iza mu makipe 10 akize ku isi aho izikurikira ari FC Bayern Munichen iri ku mwanya wa 12.

Mu makipe 50 yasohotse kuri uru rutonde rwa Forbes rwashyizwe hanze ku munsi w’ejo, 29 ni aya American Football,7 ya ruhago,8 ya Basketball n’amakipe 6 ya Baseball.

Urutonde rw’amakipe akize ku isi mu mikino yose:
1. Dallas Cowboys £3,67bn (NFL)
2. Manchester Utd £3.16bn (football)
3. Real Madrid £3.14bn (football)
4. Barcelona £3.11bn (football)
5. New York Yankees £3.07bn (MLB)
6. New England Patriots £2.84bn (NFL)
7. New York Knicks £2.76bn (NBA)
8. Los Angeles Lakers £2.53bn (NBA)
8. New York Giants, £2.53bn (NFL)
10. Golden State £2.38bn (NBA)

30. Manchester City £1.89bn (football)
39. Arsenal £1.71bn (football)
46. Chelsea £1.58bn (football)