Ubuyobozi bw’ikipe ya Manchester United bwamaze gufata umwanzuro ukomeye wo kugurisha abakinnyi babo bakomeye barimo Paul Pogba wasabye kwigendera na rutahizamu Romelu Lukaku wavuye mu ikipe ya Everton aguzwe akayabo ka miliyoni 75 z’amapawundi.

Sponsored Ad

Impamvu ikomeye Manchester United yifuza kurekura aba bakinnyi ni uko ishaka gukusanya akayabo ka miliyoni 200 z’amapawundi kugira ngo bayahe umutoza wabo mushya Ole Gunnar Solskjaer yubake ikipe ikomeye mu mwaka w’imikino utaha.

Manchester United itegereje ko Real Madrid itanga icyifuzo ko ishaka Pogba bagahita bamurekura ndetse bategereje ko Juventus ishyira ku meza amafaranga bakayiha rutahizamu Romelu Lukaku.

Pogba yagaragaje imyitwarire mibi mu mwaka ushize irimo gushyamirana n’umutoza Jose Mourinho,byatumye ubuyobozi bwa Manchester United bwifuza kumurekura cyane ko yifuza kugenda.

Ikipe ya Manchester United irifuza ko Real Madrid yishyura miliyoni 120 kuri Paul Pogba uherutse gusaba ko yakwigendera ndetse ngo irifuza ko amakipe yo mu Butaliyani ariyo Inter Milan na Juventus.

Pogba na Lukaku bagiye kugurishwa na Manchester United