Ikipe ya Manchester United yakoze igenzura ishaka kumenya umukinnyi wayo waruhije abandi ubuhanga mu kwinjiza penaliti kuva Premier League ishinzwe,birangira rutahizamu Eric Cantona atsinze Cristiano Ronaldo n’abandi.

Sponsored Ad

Yifashishije imibare, ikipe ya Manchester United yatangaje ko Eric Cantona ariwe mukinnyi w’umuhanga mu gutera penaliti kurusha abandi bose bayikiniye, kuva Premier League yatangira mu mwaka wa 1992.

Uko abakinnyi bakurikirana

Cantona yateye penaliti 16 mu myaka 5 yamaze muri Manchester United,ahusha 2 zonyine,byatumye agira impuzandengo ya 87,5 ku ijana.

Ku mwanya wa kabiri haje Cristiano Ronaldo ufite impuzandengo ya 84.6 cyane ko muri penaliti 13 yateye,yahushije 2 zirimo iyo yahushije kuri wigan muri 2006 na West Ham 2007.

Ruud van Nistelrooy yaje ku mwanya wa 3 kuko muri penaliti 22 yateye,yahushije 4 bituma agira impuzandengo ya 81,8 ku ijana.


Cantona yigaranzuye Cristiano Ronaldo nawe wakoze amateka muri Manchester United