Kigali

Manchester United yerekanye ku mugaragaro myugariro Maguire uhenze kurusha abandi ku isi

Imikino   Yanditswe na: Dusingizimana Remy 5 August 2019 Yasuwe: 1595

Ikipe ya Manchester United yamaze gutangaza ko Umwngereza Harry Maguire yabasinyiye amasezerano y’imyaka 6 ishobora kwiyongeraho uwa 7 nyuma yo kumugura akayabo ka miliyoni 80,akaba myugariro uhenze kurusha abandi bose ku isi.

Maguire w’imyaka 26 wakiniraga Leicester City,yaraye akoze ikizamini cy’ubuzima ariyo mpamvu ku gicamunsi cyo kuri uyu wa Mbere ikipe ya Manchester United yatangaje ko yamaze kubasinyira amasezerano y’imyaka 6 ishobora kuziyongeraho undi umwe.

Maguire agiye kuzajya ahembwa akayabo k’ibihumbi 200 ku kwezi muri iyi kipe ikungahaye ku bikombe bya Premier League kurusha izindi mu Bwongereza.

Maguire akimara gusinya yagize ati “Ndishimye kuba nsinyiye iyi kipe y’igitangaza.Nagize ibihe byiza muri Leicester ndetse ndashimira buri wese wamfashije n’abafana muri rusange kubera ukuntu badushyigikiye mu myaka 2 ishize.Iyo Manchester United ikomanze aba ari amahirwe y’akataraboneka.Naganiriye na Ole (Gunnar Solskjaer) ndetse nishimiye imigambi afitiye iyi kipe.Arashaka kubaka ikipe itwara ibikombe.

Umutoza Ole we yagize ati “Maguire ni umwe muri ba myugariro bahagaze neza ku isi muri iki gihe kandi nishimiye ko twabashije kumusinyisha.

Maguire yabaye myugariro uhenze mu mateka y’isi nyuma yo kugurwa izi miliyoni 80 z’amapawundi ziziyongeraho 5 aho yakuyeho agahigo kari gafitwe na Van Dijk waguzwe na Liverpool akayabo ka miliyoni 75 z’amapawundi imukuye muri Southampton.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sugira Ernest wakiriwe nk’umwami yavuze ikintu cyamufashije kwitwara neza...

Rutahizamu wa APR FC,Sugira Ernest wongeye kugaruka mu bihe bye byiza...
25 August 2019 Yasuwe: 1740 0

Sarpong yatangaje ba myugariro babiri akunda cyane mu Rwanda n’igitego...

Rutahizamu Sarpong Micheal ukunzwe na benshi mu bakunzi ba ruhago...
25 August 2019 Yasuwe: 2296 0

Kayiranga Baptiste yakoresheje imyitozo ya nyuma muri Sudani aca amarenga...

Umutoza w’agateganyo wa Rayon Sports Kayiranga Baptiste yaraye akoresheje...
25 August 2019 Yasuwe: 2705 0

Abafana ba Manchester United bongeye gukorera igikorwa kigayitse umukinnyi...

Hamaze iminsi inkundura yo gushaka abatutse ku ruhu Paul Pogba nyuma yo...
25 August 2019 Yasuwe: 2949 0

Premier League: Lampard yabonye amanota 3 ya mbere,Manchester United na...

Umutoza mushya wa Chelsea FC,Frank Lampard,yabonye amanota 3 ya mbere nyuma...
24 August 2019 Yasuwe: 2107 0

Umugore wa Mahrez yanenzwe na benshi kubera amashusho yafashwe amanitse...

Umugore w’umukinnyi Riyad Mahrez witwa Rita yanenzwe na benshi kubera ukuntu...
24 August 2019 Yasuwe: 5079 0