Kigali

Manzi Thierry yavuze byinshi ku kibazo cy’agahimbazamusyi katumye banga gukora umwiherero wa Marines FC

Imikino   Yanditswe na: Dusingizimana Remy 17 June 2019 Yasuwe: 3997

Kapiteni wa Rayon Sports,Manzi Thierry yemeje ko we na bagenzi be banze gukora umwiherero[ local] wo kwitegura umukino wo kwishyura baraye batsinzemo Marines FC ibitego 2-1 kubera ko batarishyurwa agahimbazamusyi ko ku mukino wa AS Kigali ndetse n’ubanza wa Marines FC.

Manzi Thierry watsinze igitego muri 2-1 batsinze Marines FC,yabwiye abanyamakuru ko we na bagenzi be banze kwitabira umwiherero wa nyuma wo kwitegura umukino wo kwishyura na Marines FC kubera ikibazo cy’agahimbazamusyi batahawe,ubuyobozi bubasezeranya ko baza kugikemura vuba, babona kuwujyamo

Yagize ati “Nibyo koko twabanje kwanga kwitabira umwiherero kubera ko bataduhaye agahimbazamusyi kacu.Niyo mpamvu mu mukino byatugoye kuko hari akantu kaburaga mu mutwe ariyo mpamvu Marines FC yatugoye gusa ikipe nkuru aba ari nkuru twagarutse twitwara neza.Ntabwo agahimbazamusyi kabonetse ariko ibiganiro twagiranye n’ubuyobozi ni byiza.

Imyaka 20 ishize cyangwa 30 ishize ibyo ni ibintu birangwa muri Rayon Sports ariko icyo navuga ni ibintu biba bigomba guhindukaBibaho ariko ntabwo aba ari byiza ku bakinnyi no ku bayobozi.Hakwiriye gushakwa igisubizo cyabyo.”

Biravugwa ko abakinnyi bishyuza ubuyobozi bwa Rayon Sports agahimbazamusyi k’ibihumbi 75 FRW baberewemo ndetse ngo n’agahimbazamusyi k’ibihumbi 500 FRW bemerewe kugira ngo batware shampiyona kataraboneka aho babwiwe ko kazava ku mafaranga ya AZAM.

Abakinnyi ba Rayon Sports barimo Kakule Mugheni Fabrice,bise abayobozi ababeshyi [Escrocs] nyuma yo kudahabwa aka gahimbazamusyi.

Ikibabaza abakinnyi ba Rayon Sports ni uko badahabwa agahimbazasyi kabo kandi buri munsi bari kubona ikipe iri gusinyisha abakinnyi bashya ndetse bagahabwa akayabo.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble King

    nibagabanye ivogonyo ubuse abakozi bose bahagaritse akazi ngo nuko batarahembwa agahimbaza mushyi byagenda gute, ubuyobozi buri gucuranwa abakinnyi kw’isoko naryo riba rigoye hanzaha, bo nibagumye batsinde prime ziyongere bazazibahere rimwe,kuko muri management ureba ikihutirwa kurusha ikindi, umushahara niwo wibanze prime ikaza nyuma. ubuse ko numva hari abashaka kujya gukina hanze bo baziko ibyaho ari automatic hari maho umara amezi 4 nta prime kandi usabwa kugumya gitsinda nogukora cyane kugirango ukomeze kubona umwanya uhoraho mukibuga.bazabaze abakina kenya, tzd RDC babahe amakuru y’impamo.

    3 months ago
  • chat_bubble froduard

    manzi ubwontatangiye kugandisha
    abakinnyi.

    3 months ago

Inzindi nkuru

Umutoza wa APR FC yabajije ikibazo gitangaje abanyamakuru nyuma yo...

Umutoza mushya wa APR FC,Mohamed Adil yanenze imisifurire yo mu gikombe...
15 September 2019 Yasuwe: 5669 0

Hazard na Courtois bagiriye inama Zidane y’umukinnyi yagura agafasha Real...

Rutahizamu Eden Hazard n’umunyezamu Thibaut Courtois babwiye umutoza wabo...
15 September 2019 Yasuwe: 3438 0

Neymar Jr yahaye ubutumwa bukomeye abafana ba PSG bamuvugirije...

Rutahizamu Neymar Jr waraye akinnye umukino we wa mbere muri PSG muri uyu...
15 September 2019 Yasuwe: 3309 0

Kidum yiyemeje guhagarika kuririmbira mu Rwanda no mu Burundi kubera...

Umuhanzi Nimbona Jean Pierre yamaze gutangaza ko agiye guhagarika...
15 September 2019 Yasuwe: 3965 0

Umutoza watoje ikipe y’igihugu y’u Rwanda amavubi yitabye Imana

Umukambwe ukomoka mu gihugu cy’Ubudage Rudi Gutendorf, uzwiho kuba yaratoje...
15 September 2019 Yasuwe: 2423 0

CAF CC: AS Kigali yananiwe kubyaza umusaruro amahirwe yo gukinira mu...

AS Kigali ntiyabashije kwizigamira impamba yo kuzajyana I Kampala mu mukino...
14 September 2019 Yasuwe: 2413 0