Mashami Vincent yakomoje ku mpamvu yatumye bakirwa n’abafana batatu kandi baranyagiriye hanze Seychelles
Yanditswe: Saturday 07, Sep 2019
Amavubi aherutse kunyagira Seychelles ibitego 3-0 ku kibuga cyayo, yageze mu Rwanda saa mbiri z’igitondo cyo kuri uyu wa Gatanu tariki 6 Nzeri 2019, ariko asanga abafana 3 aribo baje kubaha ikaze.
Byari byitezwe ko abafana benshi barajya kwakira Amavubi ariko ntibabikoze ahubwo abafana batatu nibo bonyine bagiye kuyakira ubwo yageraga i Kanombe barimo Nkundamatch ufana Rayon Sports,Hagumintwari Jean Claude wa AS Kigali na Songa Mbele wa APR FC.
Mu kiganiro Mashami Vincent yagiranye n’abanyamakuru akigera I Kanombe, yavuze ko Amavubi afitiye ideni abanyarwanda atarishyura gusa ngo bari mu nzira nziza yo gutangira kuryishyura
Mashami yagize ati "Urugendo rwari rurerure ariko akenshi iyo watsinze ntago wibuka ibitaragenze neza kuko ikiba cyatujyanye aba ari ugushaka intsinzi utitaye ku bibazo uhura nabyo mu nzira. Intsinzi turayizanye kuko turashaka kwishyura ideni dufitiye abanyarwanda turabizi ibihe byacu byo kubagarurira ibyishimo byatangiye ubu."
Aba nibo bafana bonyine bagiye kwakira Amavubi i Kanombe ubwo yari avuye kunyagira Seychelles
AMAFOTO: Rwanda Magazine
Leave a Reply
Your email address will not be published. Required fields are marked *