Mashami yamaze gusezerera abakinnyi 5 mu Mavubi ari kwitegura Cote d’Ivoire
Yanditswe: Wednesday 05, Sep 2018
Umutoza w’Amavubi yamaze gusezerera abakinnyi 5 muri 32 yahamagaye kugira ngo azabifashishe mu mukino wo gushaka itike yo kwerekeza mu gikombe cy’Afurika bagomba guhura na Cote d’Ivoire ku cyumweru.
Mu bakinnyi Mashami yasezereye harimo Ngendahima Eric wa Police FC, Nizeyimana Djuma wa Kiyovu Sports, Uwimbabazi Jean Paul wa Kirehe FC, Mbaraga Jimmy wa AS Kigali na Iragire Saidi wa Mukura Victory Sports.
Mashami yasezereye abakinnyi 5 mu MAVUBI
Mashami Vincent akaba y asigaranye abakinnyi 26 muri 32 bari bahamagawe batazongera gusezererwa kuko aribo bazakurwamo 18 bazifashishwa kuri uyu mukino uteganyijwe ku Cyumweru tariki ya 9 Nzeli 2018 kur Stade ya Kigali i Nyamirambo saa 15:30.
Amavubi amaze ibyumweru birenga 2 yitegura Cote d’Ivoire ndetse benshi mu bafana bitabiriye imyitozo banagaragariza abakinnyi ko babashyigikiye muri uru rugamba rwo kwerekeza muri iki gikombe cya Afurika cyo muri 2019 kizabera muri Cameroun.
Ibitekerezo
Amavubi barayatsinda 3/0