Umutoza mukuru w’agateganyo w’ikipe ya Simba SC Masudi Irambona Djuma yaraye anyagiye Singida FC ibitego 4-0 yiyunga n’abafana be bari bamaze iminsi bamunenga bitewe n’umusaruro iyi kipe imaranye iminsi. Masudi yitwaye nabi mu mikino ya Mapinduzi Cup,ubwo yasezererwaga atarenze umutaru na Uganda Revenue Authority ku gitego 1-0,ndetse benshi mu bafana ba Simba SC batangira kumunenga no kumwikoma bitewe n’impinduka yakoze mu ikipe bavuze ko arizo zatumye itsindwa.
Ibitego bya Simba SC (...)

Sponsored Ad

Umutoza mukuru w’agateganyo w’ikipe ya Simba SC Masudi Irambona Djuma yaraye anyagiye Singida FC ibitego 4-0 yiyunga n’abafana be bari bamaze iminsi bamunenga bitewe n’umusaruro iyi kipe imaranye iminsi.

Masudi yitwaye nabi mu mikino ya Mapinduzi Cup,ubwo yasezererwaga atarenze umutaru na Uganda Revenue Authority ku gitego 1-0,ndetse benshi mu bafana ba Simba SC batangira kumunenga no kumwikoma bitewe n’impinduka yakoze mu ikipe bavuze ko arizo zatumye itsindwa.

Ibitego bya Simba SC byatsinzwe na Chiza Kichuya, Asante Kwasi na Emmanuel Okwi watsinze ibitego 2 mu gice cya kabiri cy’umukino.

Ikipe ya Simba SC yamaze kuzana umutoza mukuru witwa LeChantre kugira ngo aze akomereze aho iyi kipe yari igeze gusa bamwe mu bafana ba Simba SC bifuzaga ko uyu mutoza w’umurundi yakagumanye ikipe cyane ko yatumye ikomeza kuyobora urutonde rwa shampiyona muri Tanzania.

Umutoza mushya wa Simba SC ushobora kwirukanisha Masudi

Amakuru aturuka muri Tanzania aravuga ko uyu mutoza mushya wa Simba yatangaje ko atifuza gukorana na Masudi Djuma ahubwo azizanire abatoza be,ibintu bica amarenga ko uyu murundi ashobora gusohoka muri iyi kipe ikunzwe na benshi muri Tanzania.