Umutoza wa Chelsea arifuza rutahizamu usimbura Alvaro Morata wasubiye inyuma cyane aho yifuza gutoranya hagati ya Mauro Icardi wa Inter Milan na Patrick Cutrone ukinira AC Milan.

Sponsored Ad

Mu minsi ishize nibwo byamenyekanye ko umutoza Maurizio Sarri yabwiye ubuyobozi bwe ko yarambiwe rutahizamu Alvaro Morata bityo muri Mutarama bagomba kumushakira rutahizamu mushya.

Icardi niwe uri ku isonga mu bakinnyi Chelsea FC ishaka aho bivugwa ko yiteguye gutanga akayabo ka miliyoni 90 z’amapawundi kugira ngo imukure muri Inter Milan.

Chelsea FC ninanirwa kubona Icardi,yiteguye guhangana na Tottenham ku mukinnyi Cutrone ukinira ikipe ya AC Milan.

Morata waguzwe miliyoni 65 avuye muri Real Madrid,ntiyahiriwe na shampiyona y’Ubwongereza aho bivugwa ko Chelsea yifuza kumurekura muri Mutarama igihe cyose baba babonye ikipe imwifuza.


Chelsea irifuza gusinyisha rutahizamu umwe hagati ya Icardi na Cutrone