MENYA N’IBI: Aba nibo bakinnyi 7 bamaze gutsinda byibuze ibitego 30 mu mwaka muri shampiyona y’u Bwongereza

11 January 2017. | Imikino | 1 Ibitekerezo | Canisius Kagabo
  • MyPassion

Buri mwaka shampiyona y’u Bwongereza kimwe n’ahandi ku isi, batanga igihembo ku mukinnyi watsinze ibitego byinshi kurusha abandi muri uwo mwaka w’imikino, muri shampiyona zitandukanye nka Espagne, Ubutaliyani, Ubudage n’ahandi usanga umukinnyi ashobora gutsinda ibitego bigera muri 40 mu mwaka umwe w’imikino, gusa mu Bwongereza usanga n’abageza 30 usanga ari bake cyane.

Urutonde rw’abakinnyi 7 bamaze gutsinda byibuze ibitego 30 muri shampiyona y’u Bwongereza mu mwaka umwe w’imikino.

7. Robin Van Persie

Uyu muholandi agikinira Arsenal, mu mwaka w’imikino wa 2011-2012, yaje gutsinda ibitego 30 aba ari nawe watsinze ibitego byinshi muri uwo mwaka w’imikino.

6.Luiz Suarez

Uyu munya Urguay ubu ukinira ikipe ya FC Barcelona, agikinira ikipe ya Liverpool yo mu Bwongereza mu mwaka w’imikino wa 2013/2014 yatsinze ibitego 31.

5. Cristiano Ronaldo

Umunya Portugal ubu ukinira ikipe ya Real Madrid, mbere y’uko yerekeza muri Espagne agikina Man U, mu mwaka w’imikino wa 2007/2008 nawe yaje gutsinda ibitego 31.

4. Thierry Henry

Umwaka w’imikino wa 2003/2004, ubwo uyu mufaransa yakiniraga ikipe ya Arsenal nawe yaje kuba yatsinda ibitego 30.

3. Kevin Philips

Uyu mu mwaka w’imikino wa 1999/2000, yakiniraga ikipe ya Sunderland, akaba yaraje gutsinda ibitego 30.

2. Alan Shearer

Umwaka w’imikino wa 1995/1996, uyu mwongereza wakiniraga ikipe ya Blackburn Rovers ari we Alan Shearer yaje gutsinda ibitego 31. Ndetse no mu mwaka w’imikino wa 1994-95 yari yatsinze 34, naho umwaka w’imikino wa 1993-94 yari yatsinze 31.

1. Andy Cole

Uyu nawe ni umwongereza watsinze ibitego 34 mu mwaka w’imikino wa 1993-94 ubwo yakiniraga ikipe ya Newcastle United.

    Facebook Twitter Addthis
Ibitekerezo
Tanga Igitekerezo