skol
fortebet

Messi yongeye kuvuga ku gahinda gakomeye yatewe no gutsindwa na Liverpool

Yanditswe: Saturday 25, May 2019

Sponsored Ad

Rutahizamu Lionel Messi wa FC Barcelona yatangaje ko gutsindwa na Liverpool muri ½ cya UEFA Champions League ari kimwe mu bintu bibi yahuye nabyo mu mupira w’amaguru ndetse avuga ko we na bagenzi be bagomba gutwara igikombe cya Copa del Rey kugira ngo barangize neza umwaka w’imikino.

Sponsored Ad

Lionel Messi yabwiye abanyamakuru ku munsi w’ejo ko agitekereza ku buryo basezerewe na Liverpool muri Champions League uyu mwaka,ndetse ngo igikomere yatewe nayo ntikizigera gikira.

Yagize ati “Twagizweho ingaruka na kuriya gutsindwa.Gutwara Copa del Rey byadufasha nibura kurangiza neza umwaka.Dukwiriye gusaba imbabazi ku buryo twitwaye nabi mu gice cya kabiri,bikatuviramo kwinjizwa ibitego 3 atari ukubera ibi bitego ahubwo kubera ko tutabashije guhangana.Gutsindwa na Liverpool uyu mwaka, ni kimwe mu bihe bibi nagize mu mupira w’amaguru.”

Messi yavuze ko agihangana no gushaka uko yafasha Argentina gutwara igikombe ndetse ngo nta na rimwe aratekereza kuva mu ikipe ya FC Barcelona.

Kuri uyu wa Gatandatu nibwo ikipe ya FC Barcelona irakina umukino wa nyuma wa Copa del Rey na Valencia ku kibuga cya Benito Villamarin saa tatu z’ijoro.


Messi ngo ntazibagirwa ibyabereye Anfield

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa