Kigali

Migi yatangaje ikintu yicuza kurusha ibindi kuva yatangira gukina umupira w’amaguru

Imikino   Yanditswe na: Dusingizimana Remy 18 March 2019 Yasuwe: 4238

Umukinnyi wa APR FC,Mugiraneza Jean Baptiste yatangaje ko ikintu yicuza kurusha ibindi mu mupira w’amaguru ari uko yumviye Haruna Niyonzima bakivumbura ku ikipe ya Le Havre yo mu Bufaransa yabashyize mu ikipe y’abato nyuma yo gukora igeragezwa bakaritsinda.

Migi yatangarije ikinyamakuru Isooko gikorera kuri You Tube ko yicuza cyane kuba yarakoze igeragezwa mu ikipe y’I Burayi akaritsinda,bamushyira mu ikipe y’abana ngo ayizamukiremo akabyanga ngo baramusuzuguye,agahitamo kwigarukira i Kigali abigiriwemo inama na Haruna Niyonzima bari kumwe.

Yagize ati “Nicuza byinshi mu buzima no mu mupira w’amaguru ariko cyane igihe twigeze kujya gukora igeragezwa mu ikipe ya Le Havre yari mu cyiciro cya mbere mu gihugu cy’Ubufaransa ndi kumwe na Niyonzima Haruna.Twarakoze baradushima ariko baratubwira bati mu Rwanda umupira wanyu ntabwo tuwuzi niyo mpamvu mutari buhere mu ikipe nkuru ahubwo muratangirira mu bana b’imyaka 18.Bahise batangira kunyereka aho mba n’uburyo nzatangira kwiga ariko bitewe n’imyumvire Haruna yari afite yo kuvuga ati “Oya turi bakuru nta mpamvu yo kudushyira mu bana,ntabwo twakinira aba bana ahubwo twisubirire I Kigali.Twahise dufata umwanzuro tugaruka I Kigali.

Baranyinginze barambwira bati uri umukinnyi mwiza, mu myaka 2 cyangwa 3 tuzakuzamura mu ikipe nkuru ariko ngendera ku bitekerezo bya Haruna,dufata indege tugaruka I Kigali.Ndatekereza ko iyo nza kwihangana ubu nanjye mba ndi mu bakinnyi bakina mu makipe akomeye mu Bufaransa.”

Mugiraneza Jean Baptiste uzwi nka Migi ni umwe mu bakinnyi b’Abanyarwanda bakiniye amakipe akomeye muri afurika y’Iburasirazuba yose ayitwaramo neza aho yakinnye muri AZAM FC yo muri Tanzania,Gor Mahia yo muri Kenya ndetse amaze igihe kinini ari kapiteni wa APR FC.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Le Sage

    Iri ni isomo rikomeye kurubyiruko rutabasha kwihangana ngo rutangirire hasi. Reculer pour mieux sauter

    3 months ago

Inzindi nkuru

Umutoza wa Rayon Sports Robertinho yizihije isabukuru y’amavuko ari kumwe...

Umutoza wa Rayon Sports , Roberto Oliveira Gonçalves do Carmo, uri uri mu...
24 June 2019 Yasuwe: 154 0

Rayon Sports yatumiye perezida Kagame kuzaza kureba umukino wa nyuma...

Ubuyobozi bwa Rayon Sports burifuza ko nyakubahwa perezida Kagame...
24 June 2019 Yasuwe: 805 0

Tanzania na Kenya zagaragaje urwego rwo hasi cyane mu gikombe...

Tanzania yatsinzwe ibitego 2-0 na Senegal mu mukino yakozemo amakosa menshi...
24 June 2019 Yasuwe: 1069 0

Rayon Sports izacakirana na AS Kigali muri ½ cy’igikombe cy’Amahoro nyuma yo...

Ikipe ya Rayon Sports yongeye gutombora AS Kigali muri ½ cy’irangiza...
23 June 2019 Yasuwe: 4097 0

Abakinnyi ba Manchester United basabye ubuyobozi bwa Manchester United...

Abakinnyi bakomeye mu ikipe ya Manchester United ndetse n’umutoza wayo Ole...
23 June 2019 Yasuwe: 4835 0

Cristiano Ronaldo yatangaje benshi kubera ahantu yahuriye n’umutoza mushya...

Rutahizamu Cristiano Ronaldo yatumye benshi bacika ururondogoro kubera...
23 June 2019 Yasuwe: 4902 0