skol
fortebet

Minnaert yatangaje impamvu yatumye Rayon Sports inanirwa gutsinda Gor Mahia

Yanditswe: Monday 07, May 2018

Sponsored Ad

Umutoza w’ikipe ya Rayon Sports Ivan Jacky Minnaert yatangaje ko ikipe ye yananiwe gutsinda Gor Mahia kubera ko ari inshuro ya mbere ikinnye imikino y’amatsinda ya CAF Confederations Cup.

Sponsored Ad

Minnaert waherukaga gutangaza ko bagomba gutsinda imikino yose yo mu rugo,yatangaje ko kunganya na Gor Mahia byatewe no kutamenyera amarushanwa ya CAF Confederations Cup.

Rayon Sports yananiwe gutsindira Gor Mahia imbere y’abafana babo

Yagize ati “Twakinnye neza gusa mu gice cya mbere twiraye cyane,bituma dutinda kwinjira mu mukino kubera ko ari inshuro ya mbere dukinnye imikino yo kuri uru rwego.Twizeye kwitwara neza mu mikino iri imbere.

Rayon Sports yanganyije igitego 1-1 na Gor Mahia mu mukino wa mbere wo mu itsinda D mu irushanwa rya CAF Confederations Cup nyuma y’aho Kagere Meddie yafunguye amazamu ku ruhande rwa Gor Mahia,Rutanga Eric akaza gutsindira Rayon Sports igitego cyo kwishyura.

Ikipe ya USM Alger yanyagiye Young Africans ibitego 4-0,mu wundi mukino wo mu itsinda D.Ibitego birimo n’icyatsinzwe n’umunyezamu w’iyi kipe yo muri Algeria.

Ku wa 16 Gicurasi 2018, nibwo Rayon Sports izakina umukino wa kabiri wo mu itsinda,izasuramo Young Africans I Dar Es Salaam.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa