Rutahizamu Mohamed Salah yaraye akoze agashya mu mukino Misiri yatsinze Niger ibitego 6-0, aho yahushije Penaliti 2,atsinda ibitego 2 ndetse atanga imipira yavuyemo ibitego 2.

Sponsored Ad

Salah wari umaze iminsi ashwana n’ishyirahamwe rya ruhago mu Misiri yongeye kwigarurira imitima y’abanya Misiri ubwo yatsindaga ibitego 2 muri 6-0 batsinze.

Muri uyu mukino wo gushaka itike yo kwerekeza mu gikombe cy’isi Misiri yandagajemo Niger,Mohamed Salah yatsinze ibitego 2,atanga imipira ivamo ibitego 2 ndetse ahusha penaliti 2.

Ku munota wa mbere Misiri yabonye Penaliti,Salah arayihusha gusa yikosora mu minota mike yakurikiyeho ubwo yatangaga umupira wavuyemo igitego cya mbere cyatsinzwe na Marwan Mohsen.

Muri uyu mukino wabereye ku kibuga cya Borg El Arab Stadium,Mohamed Salah na bagenzi be bafashije umutoza wabo mushya Javier Aguirre gutangira akazi atsinda.