Mohamed Salah yaraye akoze amateka atarakorwa n’undi mukinnyi w’umunyafurika muri Premier League
Yanditswe: Sunday 15, Apr 2018
Umunyamisiri Mohamed Salah yaraye atsinze igitego cya 30 mu mikino ya Premier League y’uyu mwaka,ubwo ikipe ya Liverpool yatsindaga AFC Bournemouth ibitego 3-0,bituma aba umukinnyi w’umunyafurika utsinze ibitego byinshi muri iyi shampiyona.
Uyu musore ukiri muto akomeje kwandika amateka kuko aka gahigo ashyizeho kaje gakurikira ako aherutse gukora ko gutorwa nk’ umukinnyi mwiza w’ukwezi inshuro 3 mu mwaka w’imikino umwe.
Salah akomeje kwandika amateka mu Bwongereza
Mohamed Salah yageze muri Liverpool uyu mwaka,yitwara neza aho kuri ubu amaze gutsinda ibitego 40 mu mikino yose amaze gukina mu marushanwa y’uyu mwaka ndetse yafashije Liverpool kugera mu mikino ya ½ cya UEFA Champions League.
Mohamed Salah yakuyeho agahigo ka Didier Drogba waherukaga gutsinda ibitego 29 muri Premier League ya 2009-10, aho kuri ubu Salah ashobora kurenza ibi bitego kuko haracyari imikino 5 yo gukina.
Leave a Reply
Your email address will not be published. Required fields are marked *