Umunya Misiri ukinira ikipe ya Liverpool FC Mohamed Salah niwe waraye utowe nk’umukinnyi w’umunya Afurika wahize abandi, igihembo gitangwa na BBC.
Uyu mukinnyi w’imyaka 25 yahize abandi basore bakomeye barimo mugenzi we bakinana muri Liverpool Sadio Mane, Naby Keita wa Leipzig, Victor Moses wa Chelsea na Pierre-Emerick Aubameyang Borussia Dortmund.
Mohamed Salah amaze gutsinda ibitego 19 mu mikino 25 amaze gukinira Liverpool muri uyu mwaka w’imikino aho ariwe uyoboye abandi ba rutahizamu muri (...)

Sponsored Ad

Umunya Misiri ukinira ikipe ya Liverpool FC Mohamed Salah niwe waraye utowe nk’umukinnyi w’umunya Afurika wahize abandi, igihembo gitangwa na BBC.

Uyu mukinnyi w’imyaka 25 yahize abandi basore bakomeye barimo mugenzi we bakinana muri Liverpool Sadio Mane, Naby Keita wa Leipzig, Victor Moses wa Chelsea na Pierre-Emerick Aubameyang Borussia Dortmund.

Mohamed Salah amaze gutsinda ibitego 19 mu mikino 25 amaze gukinira Liverpool muri uyu mwaka w’imikino aho ariwe uyoboye abandi ba rutahizamu muri Premier League n’ibitego 13 ndetse afasha igihugu cya Misiri kwerekeza mu gikombe cy’isi nyuma y’imyaka 25 yari imaze itagikandagiramo.

Mohamed Salah yavuze ko yishimiye kwegukana iki gihembo ndetse yifuza kuzatwara n’icyumwaka utaha cyane ko ari mu ikipe ikomeye.

Yagize ati “Ndishimye kuba negukanye iki gihembo kandi ndifuza kuzegukana n’icy’umwaka utaha kandi ndishimira inzira nahisemo kunyuramo.Kuva nasohoka mu Misiri,mpora nifuza kuba umukinnyi w’umunya Misiri mwiza mu mateka.”


Umutoza Jurgen Klopp wa Liverpool yatangaje ko uyu musore yari akwiriye iki gihembo ndetse ari umunyamugisha kuba atoza umukinnyi w’umuhanga nka Salah.