Kigali

Mugisha Gilbert afashije Rayon Sports kwigaranzura AS Kigali ikunze kuyimerera nabi

Imikino   Yanditswe na: Dusingizimana Remy 30 May 2018 Yasuwe: 2912

Rayon Sports itsinze AS Kigali igitego 1-0 mu mukino w’umunsi wa 16 wa shampiyona utarabereye igihe, kubera Rayon Sports yakinaga imikino ya CAF Confederations Cup.

Mbere y’umukino,umutoza Ivan Jacky Minnaert yabwiye abanyamakuru ko bashaka gutsinda imikino 9 basigaranye muri shampiyona kugira ngo batware igikombe cya shampiyona,none batangiriye kuri AS Kigali iri mu makipe ayizonga cyane yon a Etincelles FC na APR FC.

Nubwo yabanje mu kibuga benshi ntibabyishimire ,Mugisha Gilbert yabaye nka rya buye abubatsi banze ryahindutse irikomeza imfuruka kuko yatsindiye Rayon Sports igitego kimwe rukumbi cyabonetse muri uyu mukino ku munota wa 47 w’umukino nyuma y’umupira watakajwe na Ally Niyonzima,agasigarana n’umunyezamu akamuroba.

AS Kigali yakomeje kotsa igitutu Rayon Sports ishaka kwishyura bituma umusore Mugisha Francois Master witangaga cyane,yongera gukuka urutugu ajyanwa muri Ambulance cyane ko iyi mvune ayimaranye igihe.

As Kigali yabuze umukinnyi Ngama Emmanuel mu mukino w’uyu munsi, uyifasha cyane ku mipira y’imiterekano,byatumye imipira myinshi yabonetse imbere y’izamu itabyara umusaruro.

Igice cya mbere cyihariwe n’ikipe ya AS Kigali,yugariza izamu rya Rayon Sports cyane,ibona amakoloneri menshi n’ama Coup Franc ba rutahizamu bayo barimo Frank Kalanda na Jimmy Mbaraga ntibabyitwaramo neza.

APR FC ikomeje kuyobora shampiyona n’amanota 50 ndetse inganya imikino na AS Kigali iyikurikiye ku mwanya wa 2 n’amanota 48,Rayon Sports n’iya 3 n’amanota 43 ndetse ifite ibirarane 3.

Abakinnyi banje mu kibuga ku mpande zombi:
AS Kigali:
Bate Shamiru, Mutijima Janvier, Bishira Latif, Ngandu Omar, Kayumba Soter, Ally Niyonzima, Hamidou Ndayisaba, Murengenzi Rodrigue, Ndarusanze Jean Claude,Mbaraga Jimmy na Kalanda Frank.

Rayon Sports: Bakame, Manzi Thierry, Ange Mutsinzi, Faustin Usengimana, Irambona Eric, Mugisha Francois Master,Mukunzi Yannick, Kwizera Pierrot, Rutanga Eric,Christ Mbondi na Gilbert Mugisha.

Uko imikino yabaye uyu munsi yagenze:

Marines FC 1-1 Sunrise
Mukura VS 0-1 Etincelles FC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Hakizimana Muhadjiri niwe mukinnyi wahize abandi mu mwaka w’imikino...

Rutahizamu Hakizimana Muhadjiri ukinira ikipe ya APR FC, niwe utowe...
18 October 2018 Yasuwe: 1351 0

Muhire Kevin niwe watowe nk’umukinnyi w’umwaka muri Rayon Sports

Umusore Muhire Kevin usanzwe akina hagati mu kibuga,niwe watowe nk’umukinnyi...
18 October 2018 Yasuwe: 1788 0

Real Madrid yahaye ubutumwa bukomeye umutoza wayo Lopetegui uri kwitwara...

Ikipe ya Real Madrid yabwiye umutoza wayo Julen Lopetegui ko ahawe imikino...
18 October 2018 Yasuwe: 883 0

Abakinnyi 10 bahembwa agatubutse muri shampiyona ya NBA [AMAFOTO]

Ku wa Gatatu w’iki cyumweru Taliki ya 17 Ukwakira 2018, nibwo hatangiye...
18 October 2018 Yasuwe: 1140 1

Messi na Pique batangaje umukinnyi bifuza ko FC Barcelona igura

Ba kapiteni babiri b’ikipe ya FC Barcelona,Gerard Pique na Lionel Messi...
18 October 2018 Yasuwe: 2005 0

Neymar yafashe umwanzuro ukomeye benshi batatekerezaga

Rutahizamu w’ikipe ya PSG,Neymar Jr arambiwe ubuzima bwo mu Bufransa ndetse...
18 October 2018 Yasuwe: 3284 1