Kigali

Mugisha Samuel yanikiye bagenzi be mu gace ka kabiri ka Tour du Rwanda ahita yambara umwenda w’umuhondo

Imikino   Yanditswe na: Dusingizimana Remy 6 August 2018 Yasuwe: 1126

Umusore Mugisha Samuel witabajwe na Team Rwanda aturutse muri Dimension Data,niwe wegukanye agace ka kabiri ka Tour du Rwanda kavaga I Kigali kagasorezwa I Huye aho yanikiye Uwizeye Jean Claude wa kabiri n’umunya Ethiopia Mulu Hailemichael waje ku mwanya wa 3.

Mugisha Samuel yaje gutoroka igikundi ubwo hari hasigaye ibirometero bike ngo bagere I Huye aho yacomotse ari kumwe na Uwizeye Jean Claude na Mulu Hailemichael bagenda basiga igikundi igihe kinini cyaje kugera ku minota 4.

Mu birometero 10 bya nyuma Mugisha Samuel yaje gusiga aba bagenzi be babiri bari kumwe ahita ajya gushaka aka gace aho byamuhiriye Arusha Uwizeye wabaye uwa kabiri n’umunya Ethiopia wa 3 amasegonda 23 asiga igikundi cyarimo Azzedine Lagab wari ufite umwenda w’umuhondo iminota 3 irenga.

Aka gace kahiriye abanyarwanda cyane kuko uretse Mugisha na Uwizeye bakurikiranye na Munyaneza Didier yanikiye bagenzi be aba uwa 4 byatumye Team Rwanda itorwa nk’ikipe yitwaye neza uyu munsi.

Mugisha yahise afata umwenda w’umuhondo aho arusha Uwizeye Jean Claude umukurikira ku rutonde rusange amasegonda 23 anganya n’uyu munya Ethiopia wa Gatatu mu gihe abandi bakinnyi basigaye barimo n’ibikomerezwa abarusha iminota 3 irenga.

Uyu musore w’imyaka 20,ari gukoresha Tour du Rwanda nk’imyitozo yo kumufasha kuzitwara neza muri Tour de l’Avenir izabera mu Bufaransa yitabirwa n’abatarengeje imyaka 23 aho we na Team Rwanda bakuye itike muri Cameroon.

Uko abakinnyi batanu ba mbere bakurikirana mu gace ka Kigali-Huye:
1. Mugisha Samuel (Team Rwanda)
2. Uwizeye Jean Claude (POC Côte de Lumière yo mu Bufaransa)
3. Mulu Hailemichael (Ethiopia)
4. Munyaneya Didier (Team Rwanda)
5. Doring Jonas (Team Descartes Romandie)

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umukobwa w’Uburanga yigambye gukundana na Neymar arusha imyaka 12...

Umunyamideli ukunze kwifotoza yambaye ubusa,ukomoka mu burusiya witwa...
15 February 2019 Yasuwe: 3247 0

Mesut Ozil yakoze igikorwa kigaragaza ko yanga urunuka umutoza Unai...

Umukinnyi Mesut Ozil uhembwa amafaranga menshi kurusha abandi bakinnyi bose...
15 February 2019 Yasuwe: 3483 0

Jules ulimwengu yamaze gusinyira Rayon Sports ahabwa nimero 7 yambarwaga na...

Rutahizamu Jules Ulimwengu wakiniraga Sunrise FC yamaze gusinyira Rayon...
15 February 2019 Yasuwe: 2408 0

Jules Ulimwengu yamaze kugera mu Rwanda yizeza abakunzi ba Rayon Sports...

Rutahizamu w’Umurundi Jules Ulimwengu yamaze kugera I Kigali aho aje...
14 February 2019 Yasuwe: 2320 0

Umugore wa Wayne Rooney yakuyemo impeta y’isezerano nyuma yo kumufata ari...

Coleen Rooney, umugore w’umukinnyi Wayne Rooney yagaragaye mu muhanda nta...
14 February 2019 Yasuwe: 2668 0

Sergio Ramos ari mu mazi abira kubera ikarita y’umuhondo yaraye...

Kapiteni wa Real Madrid ari mu mazi abira kubera ibyo yatangaje ko...
14 February 2019 Yasuwe: 1928 0