Kigali

Mugisha Samuel yihaye intego zikomeye nyuma yo kwitwara neza ku wa gatandatu

Imikino   Yanditswe na: 23 October 2017 Yasuwe: 304

Umusore Mugisha Samuel watwaye irushanwa rya Rwanda cycling Cup kuwa Gatandatu taliki ya 21 Ukwakira 2017 ubwo abasore 30 bazatorwamo 15 bazitabira Tour du Rwanda bahatanaga kuva Nyanza berekeza Rubavu ku ntera y’ibirometero 180,aratangaza ko yiteguye kwitwara neza muri Tour du Rwanda 2017 aho yifuza guhatanira umwenda w’umuhondo ndetse no gutwara uduce (etapes) dutandukanye muri iri rushanwa.

Uyu musore utaratwara agace muri Tour du Rwanda, yabwiye UMURYANGO ko igihe ari iki kugira ngo atangire atsinde muri Tour du Rwanda ndetse yemeza ko imyiteguro ye yagenze neza kandi yiteguye kwitwara neza bishoboka.

Yagize ati “Ndishimye kuba nabashije gutsinda gusa intego nyamukuru ni ugutwara Tour du Rwanda ndetse no gutwara uduce dutandukanye cyane ko twakoze imyitozo neza .”

Mugisha yatangarije Umuryango ko icyamufashije gutsinda agace ko ku wa Gatandatu ari uko yari yishyiriyeho intego kandi yiteguye kugera ku ntego yiyemeje muri Tour du Rwanda.

Yagize ati “Ubundi icyambere ni ukwishyiriraho intego. Ejo nari nihaye intego yo gutsinda ndetse na team yanjye yaramfashije cyane kugira mbigereho, ndabashimira cyane kuko abakinnyi bose bakoze neza”.

Gutwaraga irushanwa ryo ku wa Gatandatu,byahaye Mugisha icyizere ndetse bituma yiha intego ikomeye yo kuzahatanira umwenda w’umuhondo no kwegukana uduce twinshi muri Tour du Rwanda ibura iminsi 19 ngo itangire.

Yagize ati “intego yanjye n’ugushaka etape cyangwa umwenda wumuhondo kandi byose nizeye ko byose nzabigeraho,Imana nibimfashamo.”

Mugisha yavuze ko nta kabuza abona abanyarwanda bazongera kwisubiza Tour du Rwanda cyane ko abona abasore nka Byukusenge Patrick,Nsengimana Jean Bosco na Ndayisenga Valens bahagaze neza cyane ku buryo bizagora abanyamahanga kubigaranzura.

Ibitecyerezo

  • Log in

    Amategeko n'amabwiriza birkurikizwa


  • chat_bubble Hiraly

    Mugisha kuraje Imana izagushoboze kip going

    October 2017

Inzindi nkuru

Messi yakoreye Cristiano Ronaldo igikorwa benshi batatekerezaga

Kabuhariwe Lionel Messi yatunguye benshi ubwo mu bakinnyi 3 yatoye mu...
25 September 2018 Yasuwe: 4110 1

Rutahizamu uturutse muri Ghana yageze mu Rwanda kumvikana na Rayon...

Rutahizamu w’umunya Ghana witwa Michel Sarpong bakunda kwita Balotelli...
25 September 2018 Yasuwe: 1890 0

Luka Modric yigaranzuye Messi na Ronaldo yegukana igihembo cy’umukinnyi...

Umunya Croatia Luka Modric yubitse ubwami bwa Cristiano Ronaldo na Messi...
24 September 2018 Yasuwe: 1360 0

Gahunda y’uko amakipe azahura mu mikino y’Agaciro Development Fund uyu mwaka...

Ubuyobozi bw’ikigega Agaciro Development Fund bwatangaje ko guhera kuwa...
24 September 2018 Yasuwe: 1847 0

Messi na Cristiano Ronaldo basuzuguye bikomeye FIFA

Ba rutahizamu bamaze imyaka 10 bayoboye isi Cristiano Ronaldo na Lionel...
24 September 2018 Yasuwe: 4110 0

Umutoza wa Enyimba FC yatangaje abakinnyi 3 yifuza kugura muri Rayon...

Umutoza w’ikipe ya Enyimba FC yo muri Nigeria, Usman Abd’Allah, yatangaje ko...
24 September 2018 Yasuwe: 8712 0