Abakinnyi Mukunzi Yannick na Rutanga Eric bagarutse mu myitozo ya Rayon Sports aho bari kwitegura umukino wa shampiyona bazahuriramo na Kiyovu Sports mu cyumweru gitaha ku italiki ya 15 Ukwakira 2017 mu gihe Bimenyimana Bonfils Caleb na Muhire Kevin batagaragaye mu myitozo yo ku munsi w’ejo.
Ku munsi w’ejo ikipe ya Rayon Sports yakoze imyitozo aho abasore batandukanye bari bahari ndetse Mukunzi Yannick byavugwaga ko agifite akabazo k’imvune yakuye ku mukino wa Super Cup na Rutanga Eric (...)

Sponsored Ad

Abakinnyi Mukunzi Yannick na Rutanga Eric bagarutse mu myitozo ya Rayon Sports aho bari kwitegura umukino wa shampiyona bazahuriramo na Kiyovu Sports mu cyumweru gitaha ku italiki ya 15 Ukwakira 2017 mu gihe Bimenyimana Bonfils Caleb na Muhire Kevin batagaragaye mu myitozo yo ku munsi w’ejo.


Ku munsi w’ejo ikipe ya Rayon Sports yakoze imyitozo aho abasore batandukanye bari bahari ndetse Mukunzi Yannick byavugwaga ko agifite akabazo k’imvune yakuye ku mukino wa Super Cup na Rutanga Eric utaragaragaye ku mukino wa mbere wa Shampiyona wahuje iyi kipe na AS Kigali bagaragaye muri iyi myitozo.

Iyi myitozo ntiyagaragayemo umusore Bimenyimana Bonfils Caleb wahawe uruhushya rwo kujya gusura umuryango we mu gihugu cy’Uburundi aho avuka ndetse uyu musore biravugwa ko ari hafi kugaruka mu myitozo.

Ku ruhande rwa Muhire Kevin Umutoza Karekezi yatangaje ko hari ibibazo byabaye mu masezerano ye ubwo yavaga mu Isonga aza muri Rayon Sports amakipe yombi agiye gukemura gusa ku rundi ruhande hari amakuru ko uyu musore uherutse gufungura akabari I Gikondo ashobora kuba ari kuvugana n’ikipe yo muri Maroc aho yanze gukinira ikipe ya Rayon Sports kubera gutinya imvune.

Ismaila Diarra ntabwo arabona ibyangombwa cyane ko FIFA itarasubiza Ryon Sports ku ibaruwa babandikiye ku byerekeye kwemerera uyu musore gukina.

Inkuru y’indi ivugwa muri Rayon Sports ni uko ishobora kugarura ikipe ya Volleyball cyane ko yagiye mu buryo budasobanutse ndetse biravugwa ko umwaka utaha dushobora kuzongera kubona iyi kipe.

Kuri uyu wa Gatanu taliki ya 06 Nzeri 2017 Rayon sports irakorera imyitozo ku nshuro ya mbere ku kubuga gishya yubakiwe na SKOL giherereye mu Nzove ku i saa 15h00.